2025-12-27
Blog Page 1012

Carlos Urkixok Eusko Irratiko LEParen kontrako helegitea galdu du

admin
-
0


Carlos Urkixok Eusko Irratiaren azken Lanpostuen Deialdi Publikoaren kontra jarritako helegitea bertan behera utzi du epaileak. Espainiako gobernu ordezkariak atzera bota nahi zuen deialdia, eta lanpostua lortu duten langileak plazarik gabe uztea zuen helburu. Aipagarria da Eusko Irratiko LAB izan dela langile horien alde egin duen sindikatu bakarra. Gainontzeko sindikatuek epaiketan ez agertzea erabaki zuten, erakutsiz ezer gutxi ardura zaiela postua bide onez irabazi duten langileen egoera.

Gogoratu nahi dugu arazoaren arduradun nagusia Andoni Ortuzar izan zela, eta Eusko Irratiko azken Lanpostuen Deialdi Publikoak Ortuzarrek egindako txapuza konponbidean jarri duela.

Amaitzeko, sententzia berri honekin garbi geratu da, berriz ere, komunikabide publiko den Eusko Irratian behin betiko lan postua eskuratzeko modu bakarra Lan Eskaintza Publikoa gainditzea dela, meritu, gaitasuna eta aukera berdintasunaren printzipioak era egokian betez.

 

 

 

Euskal kutxen likidazio eta bankarizazio prozesuak bertan behera uztea eskatuko dugu

admin
-
0
Euskal kutxen likidazio eta bankarizazio prozesuak bertan behera uztea eskatuko dugu

Bihar ostirala, Euskal Sistema Publikoaren aldeko eta Kutxabanken pribatizazioaren aurkako plataformak aurkeztutako mozioa eztabaidatuko da Bizkaiko Batzar Nagusietan, Eskaera eta Herritarren Harremanetarako Batzordean. Eztabaida honetan euskal kutxen likidazio eta bankarizazio prozesuak bertan behera uztea eskatuko da. Horrez gain, fundazio bankarioen esku dauden Kutxabanken akzioak aurrezki kutxen fundatzaileen esku uzteko eskatuko da, kasu honetan. Bizkaiko Foru Aldundiaren esku. Plataformak kontzentrazioa egingo du Batzar Nagusien kanpokaldean.

Gure ehun produktiboa defendatzeko baliabide guztien beharra dugun honetan, pertsonen eta enpresa txiki eta ertainen beharrizanei aurre egin behar zaien honetan, ezin dugu onartu gutxi batzuek kutxen likidazioa aurrera eramatea eta Kutxabanken akzioak inbertsore pribatuen esku uztea.

Gure aldarrikapena, Europako beste herrialde batzuetan gertatzen den bezala, Kutxek bere izaera publiko eta soziala mantentzea da; alegia, euskal sistema finantziero publikoa sortzea zeinen oinarrian kutxabank osatzen duten euskal kutxak dauden.
 

 

 

Kutxabank gure ikastetxeetatik at nahi dugu

admin
-
0
Kutxabank gure ikastetxeetatik at nahi dugu


ELA, LAB, STEILAS eta Euskal Sistema Finantziero Publikoaren aldeko Plataforma osatzen duten eragile sozial eta sindikalek Kutxabankek gure ikastetxeetan egin duen injerentzia salatu eta Eusko Jaurlaritzak bankari hezkuntza-sisteman sartzeko emandako baimena kritikatu dute. Elkarretaratzea amaitu ostean EAEko hezkuntz sailburuarekin bilera egiteko eskaria erregistratu dute.

Euskal Herrian Finantza-Sistema Publiko baten aldeko Plataformaren oharra:

Euskal Herrian Finantza-Sistema Publiko baten aldeko Plataforman gauden eragileok eta sindikatuok Kutxabankek gure ikastetxeetan esku-hartzea egin duela eta horren aurrean, EAEko Hezkuntza Sailaren utzikeria salatu nahi ditugu.

Bukatu berri den ikasturtean Kutxabankek "Bizitzarako finantzak" unitate didaktikoa zabaldu du 60 geletan (ia 1.250 ikasleri) eta datorren ikasturtean, ia 2.000 ikaslerengana ailegatzea espero du Lakuaren oniritziaz. Hemen gaudenoi oso larria deritzogu Hezkuntza Sisteman, Hezkuntza Sailaren kanpoko entitate baten esku sartzea.

Guk argi dugu Kutxabanken objektibitate falta, eta unitate didaktiko horren helburua kontsumitzaile sumisoak sortzea dela, sistema neoliberalak nahi duen moduakoak. Ez da aipatzen ezta banka publikoa eta etikoaren existentzia, eta horren funtzioak.

Programaren arduradunen hitzetan programa honekin: ikasleei bizitza heldurako trantsizioan ezinbestekoak diren konpetentzia eta trebetasunak lortzea erraztu nahi die besteak beste inbertsioak, kredituak,… eta batez ere entitatearekin hartutako betebeharrak betetzea.

Horrela, unitate didaktikoaren ondorioak dira: banka pribatua eta espekulatzailearen paperari balioa ematea, bezeroen akziodunen interes orokorrekiko sumisioa suspertzea eta bezero berriak gero eta gazteagoak izatea.

Orain ere argi dago Eusko Jaurlaritzak LOMCE aplikatzea erabaki duela, eta, kasu honetan, legeak berak adierazten duenetik harago, LOMCEk ez badu zehazten nork garatu behar dituen eduki berri horiek, Eusko Jaurlaritzak banka pribatuaren eskuetan utzi ditu, hau da Kutxabanken pertsonengan, horrek esan nahi duen guztiarekin, hau da ekonomia eta finantzak eremua ulertzeko era konkretu, partzialak eta sesgatua.

Ez dugu ulertzen zergatik Hezkuntza Sailak ez duen jo ekonomia irakasle espezialituengana eskola-eduki horiek emateko eta finantza erakunde baten alde egiten duen, bere gizarte-ekintzagatik baino gauzatzen dituen etxe-kaleratzeemgatik nabarmentzen dena, banku bihurtu aurretik zuen izaera publikoa eta soziala galdu duen erakunde pribatua, hain zuzen.

Horregatik guztiagatik Eusko Jaurlaritzari exijitzen diogu Kutxabankekin hartutako konpromisoa bertan behera uztea, LOMCE ez aplikatzeko jendarte eskaerarekin bat egin dezan eta curriculumaren eduki guztiak Hezkuntza Saileko langileen esku utz dezan.

 

 

 

Hemen eta orain gure pentsioak bermatzea nahi dugu

admin
-
0

Alemania eta Estatu Batuetako komunikabideetan agertzen den informazioaren arabera, Espainiako gobernuak Gizarte Segurantzaren erreserbako funtsaren %90 erabili du gutxienez, gobernuak berak jaulkitako zor publikoa erosteko, 85.700 milioi euro.

Pentsioen dirua aldebakarrez erabiliko du Estatuak bere murrizketetan oinarritutako politika ekonomikoa autofinantzatzeko, banka handiaren zerbitzura, zerbitzu publikoen suntsitzaile eta gero eta handiagoa den jendarte-desberdintasuna, lan-prekarietatea eta gero eta handiagoak diren jendarte-sektoreen bazterketa sortzen dituena.

Arazoa ez da soilik gure pentsioen dirua austeritate politikak finantzatzeko erabiltzen dena soilik. Izan ere, Espainiako gobernua arriskuan jartzen ari da pentsioen finantzazzioa funtsak zor publikoan inbertitzen dituenean, Estatu espainiarraren defizit eta zorpetze maila ikusita, arriskutsua da edozein inbertsorerentzat, izan publikoa, pribatua edo instituzionala.

Ez da egia ez dagoela pentsioetarako dirurik. Gobernuak bere burua finantzatzeko dauka inbertitua. Ez da egia pentsio publikoak arriskuan daudenik. Arriskua eurek inposatzen dute Espainiako zor publikoa erosiz.

Ondorio modura, gobernua espainiarraren gezurren eta euskal jendartearen gehiengoa eta langileen beharrizanen aurrean, eskatzen dugu gure pentsioek utz diezaiotela estatua eta bere kudeatzaileen esku egoteari.

Ez daukagu inolako bermerik gure pentsioentzat, espainiarraren moduko marko normatiboa eta kudeaketa ereduarekin. Pentsioen Euskal Sistema Publikoa behar dugu hemen eta orain gure pentsioak bermatzeko, eta hemen bizi eta hemen lan egiten badugu, gure pentsioen etorkizuna hemen bermatu nahi dugu.

Erronka atzeraezina da euskal instituzio publikoentzat. Ezin dute beste alde batera begiratu pentsioei egindako lapurreta honen aurrean eta beharrezko neurriak hartu beharko dituzte pentsioak bermatuko dituzten sistema propioa izan dezagun.

 

 

 

TMAk, langileei lanpostuak eta soldatak lapurtu ondoren, kartzelara bidali nahi ditu

admin
-
0
TMAk, langileei lanpostuak eta soldatak lapurtu ondoren, kartzelara bidali nahi ditu


LAB Sindikatuak gogorki salatu nahi du Talleres Mecanicos Arakistain (TMA) enpresako langile ohi biren kontrako errepresioa. Izan ere, duela gutxi jakin izan dute 5 urte eta 6 hileko kartzela eskaera dutela bakoitzak bere kontra, gainera, 9.000 euroko fiantza jarri behar izan dute, Rafael Zabala enpresariaren akusazio partikularragatik.

TMA Etxebarrian zegoen enpresa zen. 2013ko apirilean Rafael Zabala Fernandezek enpresako boterea hartu zuen.

Enpresak hainbat soldata zor zituenean, eta langileekiko konpromiso guztiak ez zituela betetzen ikustean, langileek greba mugagabe bat hasi zuten. 2013 urte bukaeran, 8 hileko greba baten ondoren, enpresa itxi eta langileak kale gorrian utzi zituzten milaka euroko zorrarekin.

Hau dena gutxi balitz, Rafael Zabala Fernandezek, salaketa penalak jarri zituen langile ezberdinen kontra, lan gatazka kalera ateratzeagatik eta legalki komunikatutako manifestazio eta kontzentrazioak egiteagatik.

Baina Rafael Zabala Fernandezek haratago jo nahi izan zuen eta bi langileren kontra (bata langileen ordezkaria izandakoa enpresa itxi arte), urruntze neurri kautelarra eskatu zuen. Gernikako epaitegiak eskaera ukatu bazuen ere, lan gatazka kolektibo baten aurrean bi pertsonen kontrako neurri kautelarrak zentzurik ez zuela argudiatuz, Bizkaiko Auzitegi probintzialak neurria onartu zuen. Beraz, 2014ko uda hasieratik eta epaiketaren zai dauden bitartean, bi langileri 500 metrotako urruntze agindua ezarri diete.

2016ko uda hasiera honetan, bi langile horien kontrako eskaera penala heldu da: 5 urte eta 6 hileko kartzela zigorra eta 9.000 euroko fiantza eskatu du Rafael Zabala enpresariak. Enpresa itxi eta langileei zorrak utzi ondoren, langileak kartzelara bidali nahi ditu eta indemnizazio bat eskatzen die.

Ezin dugu ahaztu gainera, TMA enpresa “Hiriko” (kotxe elektrikoa) proiektuan parte izan zela eta prozesu baten barruan dagoela diru publikoa bidegabeki “xahutzeagatik”.

Zer da hau? Mundua aldrebestu zaigu! Ze botere publikok eta legeriak babesten dituzte lapurrak maila honetaraino?

LAB Sindikatuak argi du, enpleguaren defentsan, langileen borroka ezinbestekoa dela. Langileak dira, beraien lanpostuen defentsa bermatu dezaketen bakarrak.

LAB Sindikatuak gogor salatu nahi du gaur eguneko legediak enpresariei ematen dien inpunitatea eta langileen babes eza. Enpresariek edozer egitea libre duten bitartean (langileen bizitzak suntsitu ditzakete), langileek beraien eskubideen defentsan borrokatzeagatik eta enpresarien irregulartasunak kontralatu nahi izateagatik, epaituak eta kartzelaratuak izan daitezke.

Ezin ditugu onartu langileriaren kontrako injustizia gehiago. Langile klasea kriminalizatzeari utzi behar zaio, horrelako enpresariak babesten diren bitartean. Justiziak ezin ditu biktimak kriminalizatu eta errudunak babestu.

 

 

 

Ambulancias Bizkaiak arriskuan jartzen du euren langileen, erabiltzaileen eta euren senideen osasuna

admin
-
0
Ambulancias Bizkaiak arriskuan jartzen du euren langileen, erabiltzaileen eta euren senideen osasuna

Bere jarduteko erari fidela izanik, Ambulancias Bizkaia UTEk ezikusiarena egiten du legea eta moralaren aurrean eta arriskuan jartzen ditu bere langileen, eramaten dituzten gaixoen eta hauen senideei osasuna.

Legeek eta indarrean dagoen legeak zehazten duen segurtasunik oinarrizkoena kontuan izan gabe eta langileen osasuna gutxietsiz, Ambulancias Bizkaia UTEk arrisku egoeretan gehiegizko pisuak hartzera behartzen gaitu. Pazienteak etxetik edo etxera eramanak dira pultsura altxatzen dituzten aulkietan, askotan maniobratzeko zailtasunak dituzten eskaileretatik orekan, eta gehiegizko pisu eta solairu kopuruarekin. Legearen aurrean ezikusarena eginez, enpresak ez ditu egoera honek langileei osasunarentzat dakartzan arriskuak ahalik eta gehien murrizteko beharrezko bitartekoak jartzen. Arriskuok lepo, belaun edo sorbaldako lesioak ekartzen dituzte, honek etengabeko bajak sortzen ditu eta kasuren batean, derrigorrez lehenago hartutako erretiroak.

Jarduteko modu honekin, Ambulancias Bizkaia UTEk paziente eta euren senideak arriskuan jarri eta umiliatu egiten ditu. Askotan, pazienteek kalean dagoen anbulantzia batean itxaron behar dute beste anbulantzia bat hel dadin etxera igo dezaten laguntzeko, gidarri bakarra joaten delako. Itxaronladia ordu luzetakoa izaten da batzutan, gero modu prekarioan igo dezaten eskaileretatik pultsura eramana den aulki batekin, horrek guztiontzako dakarren arriskuarekin. Batzutan are okerrago, senitartekoak animatzen baitira gidariari lagun diezaioten. Gehitutako beste arrisku bat.

Ambulancias Bizkaia UTEren inplikazio falta lotsagarria da, urtebete baino gehiago baitarama langileen ordezkariek esaten diotenari entzungor eginez. Langileek ideia eta iradokizunak dituzte bai lanaren planifikazioari edo método ezberdinen aplikazio praktikoari dagokionez. Guzti honek langileen osasunaren onura ekarriko luke, pazienteei eskaintzen zaien zerbitzua hobetzea eta guztioi eragiten digun lan baten kudeaketa hobean.

Hori dela eta, LAB, UGT eta ELA sindikatuetatik, prebentzio batzordeko delegatuek egoera hau salatzen dugu, kontrolik gabe dagoena erabat, eta are larriagoa Eusko Jaurlaritzak kontratatu duen enpresa bat izanik, Ambulancias Bizkaia UTE, zerbitzu publiko bat betetzeko, Osasungintza sektorearentzat estrategikoa dena. Sentsibilitatea eta pazienteekiko tratu ona oso kontua hartu beharko lirateke.

Zerbait egingo du Eusko Jaurlaritzak honen inguruan? Ambulancias Bizkaia UTEk behin eta berriro erakutsi du denak berdin diola.

Kontuan hartuko ahal du Eusko Jaurlaritzak babesten dituela dioen langileen osasuna, zerbitzua ematen diela dioen langileen osasuna eta ordezkatzen omen dituzten familia eta gainontzeko biztanleak?

 

 

 

Elkartasuna eta sostengua adierazi nahi diegu USB sindikatuari

admin
-
0

LABek elkartasun eta sostengua adierazi nahi dio USB sindikatu italiarrari eta bere zuzendaritzako kide den Guido Lutrariorekin. Guido Lutrario USB sindikatuko nazio zuzendaritzaren kide izateaz gain, Erroma kokatzen den Lazio eskualdeko arduraduna da. USB sindikatuak, Guido Lutrario buru zuelarik, mobilizazio garrantzitsuak egin ditu azken urteotan Erromako hirian, hala nola, grebak, manifestazioak, blokeoak, okupazio sinbolikoak, e.a.

Poliza agintariek, Mafiaren aurka sortutako salbuespenezko 2011/06/09 lege dekretuaren 3. artikulua Guido Lutrario eta USBren aurka erabiliz erantzun die mobilizazio hauei. Beldurtze taktika honen xedea askatasuna eta eskubideak murriztea da, etorkizunean bultza lezaketen ekintza sindikala eragozteko.

Ez da USB sindikatuak pairatzen duen lehen erasoa. Italiar agintariek gainbera dauden sistemaren aldeko sindikatu handiak babesteko neurriak hartu dituzte, sistema zalantzan ipini eta baldintzatzen duten sindikatu borrokalariak zigortzeko araudia aldatzen duten bitartean. Araudi aldaketa honen xedea ekintza sindikala gauzatzeko beharrezkoak diren eskubideak murriztea da.

Euskal Herrian salbuespen legeen aplikazioa eta botere ekonomikoek sistemaren sostengu direnen sindikalgintza ereduaren alde eginikoak ezagutzen ditugu. Confebaskek LAB legez kanpo uzteko eginiko saiakera azken honen adierazgarria da.

Egoera hau ez da isolatua. Urteetan luzatzen ari den sasi krisiaren markoan aztertu beharra dago. Europan zehar lan harremanak aldatzeko honetaz baliatzen ari dira, lan baldintzen prekarizazioa eta pobrezia mugarik gabe zabalduz. Lankidetza eta kudeaketan ibilita, sistema laguntzen duten eredu sindikala saritzen dute; borroka, konfrontazio eta klase ikuspegia duen sindikalgintza eredua zigortzen den bitartean.

 

 

Bizkaiko egoitzetako langileek lan baldintzen hobetzea aldarrikatu dute

admin
-
0
Bizkaiko egoitzetako langileek lan baldintzen hobetzea aldarrikatu dute


Bizkaiko egoitzetako langileok zerbitzu hauek kalitatezkoak izan daitezen, lan baldintzetan aldaketak emateko beharra dagoela aldarrikatzen gabiltza aspalditik. Egoera jasangaitza da, izugarrizko lan kargak ditugu eta lana oso pertsonal gutxirekin atera behar izaten da, guzti honek langileen osasunean eragiten du. Beraz, kalitatezko zerbitzua eskaini ahal izateko, lan baldintzetan benetako aldaketa bat beharrezkoa dela aldarrikatzen dugu.

Hauek dira gure aldarrikapenak:

-1.592 ordu, Bizkaiko egoitza publiko eta Gipuzkoako egoitza guztietan bezala. Gaur egun 106 ordu gehiago egiten ditugu soldata baxuagoagatik.

-Langile gehiago behar ditugu txanda bakoitzean . Ratioen lege berri eta egokitu bat behar da.

-Guzti hau kontutan izanik, gainera, lanpostu gehiago sortuko lirateke epe laburrean eta zerbitzuan hobekuntza nabarmena ikusiko genuke denok: langile, erabiltzaile eta familiartekoek.

Azkenik, esan beharra dugu zerbitzu hauek diru publikoz (gu guztion diruarekin) ordaintzen direla, baina esku pribatuek kudeatzen dituzte eta enpresariak tarteko izanik… dirua non inbertitzen da? Zerri ematen zaio garrantzia? Eta ez al du Bizkaiko Foru Aldundiak guzti honen jarraipena egiteko ardura? Nork jarri behar ditu diruaren gestio ona egiteko behar besteko bitartekoak? Eta langileon eskubideak errespetatzen direnaren jarraipena? Erabiltzaileek benetan kalitatezko arreta eta denbora jasotzen ahal dute?

Guk hau aldatzearen ardura hartua dugu jada eta borrokan jarraituko dugu lortu arte. Patronalak eta Bizkaiko Foru Aldundiak zer egin behar dute orain? Hitz politek soilik ez digute balio!

 

 

 

Urdulizko Ospitalea %100 publiko izateko aldarrikapena Urkulluren aurrera eraman dugu

admin
-
0
Urdulizko Ospitalea %100 publiko izateko aldarrikapena Urkulluren aurrera eraman dugu

Uztailaren 1ean inauguratu zen ofizialki Urdulizko Ospitale berria. Hori dela eta, bertara izan ziren Urkullu Lehendakaria, Jon Darpon Osasun Sailburua, Osakidetzako Zuzendari Nagusia eta zenbait legebiltzarkide. LAB, ELA, SATSE, ESK, CCOO eta UGT sindikatuok, Ospitale %100 publikoa izan behar dela ozen aldarrikatu genuen. Hau da zerbitzu guztiak Osakidetzako langileek eman behar dituztela diogu, besteak beste sukaldea, garbiketa eta mantenua.

Inauguratuta ere, Osakidetzaren pribatizazioaren kontra jarraituko dugu borrokan, Urdulizen zein nonahi.

 

 

 

1...1,0111,0121,013...1,583Page 1,012 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus