2024-03-19
HomeEkintza PolitikoaNafarroan enplegu publikorako sarbidean euskara puntuatzeko eskatu du berriz Arartekoak

Nafarroan enplegu publikorako sarbidean euskara puntuatzeko eskatu du berriz Arartekoak

Azaroaren 22an, Arartekoak berriz eskatu zion Nafarroako Gobernuari “Enplegu publikoa lortzeko deialdietan, eremu mistoan eta eremu ez-euskaldunean kokatutako lanpostuetarako baloratu dadila euskararen ezagutza, gutxienez atzerriko hizkuntzen puntuazio berarekin”.

Beste behin ere, Arartekoak Nafarroako Gobernuari adierazi dio zuzendu dezala bidegabekeria hori, alegia, atzerriko hizkuntzak administrazioko lanpostuetan sartzeko merezimendu gisa baloratzea, baina ez, ordea, euskararen ezagutza, Nafarroako bi hizkuntza ofizialetako bat izaki.

Arartekoak berriro gogorarazi dio Gobernuari euskara balioesteko araua baliogabetu zuten epaiek ez dutela inola ere eragozten “Administrazioak enplegu publikora sartzeko deialdietan euskararen ezagutza merezimendu gisa baloratzea, puntuazio proportzionatuarekin egiten denean”.

Halaber, gogorarazi du “Nafarroako Justizia Auzitegi Nagusiak eta Nafarroako Kontseiluak erabakiak eman dituztela, atzerriko hizkuntzak baloratzen direnean euskara ez baloratzea zalantzan jartzen dutenak”.

Arartekoaren irizpenak erantzuna ematen dio pertsona batek aurkeztutako kexari, SOS Nafarroako Koordinazioko Operadore Laguntzaile lanpostuko 20 lanpostuko azken deialdian euskara merezimendu gisa ez baloratzeagatik. Babes Zibilari eta Larrialdiei Aurre Egiteko Zerbitzuari buruzko 8/2005 Foru Legeak, 112 telefonoaren bidez larrialdietarako deiak artatzeko zerbitzua arautzen duenak, ezartzen du zerbitzua Nafarroako bi hizkuntza ofizialetan emanen dela, baina plazen deialdia egiterakoan ez da baloratu ere egiten Nafarroako berezko bi hizkuntzetako bat jakitearen merezimendua.

LABek Nafarroako Gobernuaren jarrera salatu nahi du, Administrazioan sartzeko euskararen ezagutzaren merezimendua ez arautzeagatik. Nahita egindako estrategia bat da, euskararen aurkako erasoa, eta behingoz amaitu egin behar da. Herritarrek nahiago duten hizkuntzan artatuak izateko eskubidea urratzen ari dira. Babes Zibilaren Legea ez da betetzen, Hizkuntza Gutxituen Europako Gutuna ez da aintzat hartzen eta entzungor egiten zaie Arartekoari, Nafarroako Justizia Auzitegi Nagusiari eta Nafarroako Kontseiluari.

AZKEN ALBISTEAK | ÚLTIMAS NOTICIAS

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.
00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.

Aliantzen, aktibazioaren eta borrokaren garaia da Bizkaiko grafikagintza sektorean

Bizkaiko grafikagintzako hitzarmenaren negoziazio mahaia lehen aldiz bildu zenetik hamar hilabete igaro dira. Maiatzaren 23tik hona 10 bilera egin ditugu, azkena atzo, martxoaren 14an, eta ezin dugu esan akordioa orduan baino gertuago dagoenik.