Maiatzaren 9an, Euskal Herriko herri eta hirietan mobilizatzera deitu du Euskal Herriko Emakumeen Mundu Martxak.
Pasa den asteazkenean izan genuen, Réjane, Bidarten (Lapurdi) eraildako 70 urteko emakumearen berri. Gaur baieztatu da eraildako emakumea indarkeria matxistaren biktima bat gehiago izan dela, 79 urteko bere bikotekideak erail zuela. Gizona atxilotuta dago.
Beste behin, nazkatuta eta haserre gaude indarkeria matxista kasu berri honen aurrean. Apirila bereziki hilabete gogorra izan da Euskal Herriko emakumeontzat. Maria José eta Florentina ama alabak, apirilaren 20an Gasteizen alabaren bikotekide ohiak erail zituen; Roxana, 32 urte, apirilaren 28an erail zuen bere bikotekide ohiak Donibane Garazin.
