2024-06-25
HomeEkintza Sindikala‘Piztu Alarma’, laneko abusuei aurre egiteko tresna aktibista berria, aurkezteko hamahiru bilera...

‘Piztu Alarma’, laneko abusuei aurre egiteko tresna aktibista berria, aurkezteko hamahiru bilera eginen dituzte Iruñerrian


LAB sindikatuak, bere afiliatu eta jarraitzaileekin elkarlanean, tresna aktibista berria sortu du Iruñerrian, lantokian gerta daitezkeen askotariko abusuei aurre egiteko. Tresna berriaren inguruan komunitate bat eratzen ari da, hainbat sostengu talde sortu dira eta, horiek osatzen segitzeko, hamahiru bilera ireki eginen dituzte maiatzean Iruñerriko bertze hainbertze tokitan.

Azken urteetako lan erreformek prekarietatean murgildu dituzte langile asko eta asko, enpresetako lan harremanak hankaz gora jarri dituzte, lan baldintzak okertu dituzte, eta gainera langileen aurkako abusuak ugaritu dituzte: tratu desegokiak, derrigorrezko aparteko orduak, esplotazioa, hitzarmena ez bete, mehatxuak…

Eta abusu horiei guztiei aurre egiteko, Piztu Alarma izeneko tresna abiatu du LAB sindikatuak. Hala, Iruñerriko auzo eta herrietan elkartasun komunitate bat osatu dugu, langileriaren sektore ahulek zein ohiko langile mugimendutik at daudenek pairatzen dituzten eskubide urraketak eta abusuak detektatzeko, salatzeko eta langileei babesa emateko.

Piztu Alarma tresna aktibo berria izanen da Iruñerrian, baina ez da ideia berria. Ipar Euskal Herrian ezartzen ari diren erreforma neoliberalak (Macron-en legea-eta) ez aplikatzeko LABek abiatua duen Alarma Soziala egitasmoa da gure ideiaren abiapuntua. Eñaut Aramendi, Alarma Soziala tresnako ekintzailea, lehenbiziko bileran izan zen.
 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.