2024-02-28
HomeEkintza PolitikoaMARTXOAK 3. Omenaldi eta manifestazioa 19:00etan Martxoak 3 plazan

MARTXOAK 3. Omenaldi eta manifestazioa 19:00etan Martxoak 3 plazan

35 urte geroago Aurtengo martxoaren 3an, Espainiako poliziak Gasteizko langile asanblada baten kontra oldartzearen ondorioz egindako sarraskitik 35 urte beteko dira. Egun horretan hildako bost langileak eta ehunaka zaurituak, 35 urte hauetan egin ditugun urteroko omenaldi guztietan presente egon dira. Eta borroka, omenaldi eta aldarrikapenez betetako 35 urte hauek eta gero esan behar dugu gaur egun langile klaseak, iraganean bezala, milaka arrazoi dituela borrokan jarraitzeko.
Azken urteetan jasan ditugun eraso guztiak areagotuz joan dira, lortzea horrenbeste kostatu zaizkigun eskubideak desager arazi nahi dituen lan erreforma basati bat egiteraino. Hori lortzeko, zoritxarrez, bere burua langileriaren ordekari gisa agertzen duten bi erakunde sindikalen laguntza daukate, CCOO eta UGT alegia. Itun sozial handi baten aitzakian, Gobernuari nahi duena egiten uzten diote, eta honek, sindikatu hauen isiltasun eta babes horrekin, botere ekonomikoak eskatzen dizkion murrizketa guztiak egiten ditu.

Guk, noski, itun antisozial horri buruz ez dugu ezer jakin nahi, gizartearen gehiengoaren kontrako erasoen konplize ez gara izango, ez gara horiekin elkarlanean arituko. Alderantziz, miseria gorrira kondenatuko ez gaituen eredu baten alde borrokatzeko eta exijentzia mantentzeko konpromisoa hartzen dugu, berdinsunean eta aberastasunaren bidezko banaketan oinarritutako eredu ekonomiko eta sozial baten alde hain zuzen. Euskal langile-klasea beharrezkoa izango den guztietan kalera irteteko prest dago, azken hiru greba orokorretan markatutako ildoari jarraituz, gure miseriaren kontura gutxi batzuk aberastu ez daitezen.

Benetako aldaketaren alde apustua egiteko garaia da, aukera-berdintasunean oinarritutako prozesu demokratiko baten alde, gizarte eredu berria eraikitzeko aukera ematen diguna, non banka eta kapitala ez den ezeren gainetik pasatzen bere etekinei eutsi ahal izateko.

Erantzun indartsu bat aktibatu behar dugu eta langileria zein gizarte osoa mobilizatu; hitzetatik ekintzetara pasa eta etorkizuna eraiki eguneroko lanaren ahaleginarekin. Gu gabe hartzen ohi diren erabakiek gure kontra jotzen dute.

Mobilizatu, lantokian eta kalean. Zure esku dago!

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.