2024-02-27
HomeZerbitzu PublikoakKomunikabideakGasteizko Parlamentuak, zilegitasun ezatik, jokabide espainolistak, ez demokratikoak eta erakundeen erabilera partidistak...

Gasteizko Parlamentuak, zilegitasun ezatik, jokabide espainolistak, ez demokratikoak eta erakundeen erabilera partidistak sakontzen darraiela salatzen du EITBko LABek

Gasteizko Parlamentuak ez legezko proposamen bat onartu du aste honetan, EITBko albistegi eta programazioetan bazterkeria sakondu egiten duena. Dokumentuak hiru puntu ditu, hirurak zeharo bidegabeak.
Hasteko, EITBk daraman trataera informatiboaren norabide aldaketa onartu egiten du. Hau da, euskal jendartearen zati garrantzitsu bat (politikoa, sozial zein lurraldekoa) baztertzea eta informazio plural, objektibo eta kontrastatua ukatzea goraipatu egin du. Bide batez jendarteak duen informazio eskubidea larriki urratzen da.

Jarraian, Euskal Herrian abiatu den demokrazia eta normalizazioaren aldeko prozesuan laguntzea baino, kontrakoa egin eta ilegalizazioaren estrategia eta bazterkerian laguntzen jarraitzeko deia egiten dio EITBri.

Amaitzeko hainbat kontzeptu azpimarratzen ditu: "zilegitasuna, demokrazia, informazio zerbitzu publikoa, profesionaltasuna, egiatasuna, independentzia, interes informatiboa, informazio zintzo eta egiazkoa…". Komunikazio eskuliburu neoliberalen jarraipen zintzoa eginez, benetan egiten eta onartzen denaren kontrakoa nabarmendu nahi izaten da. Jendartea engainatu eta euren burua auto-konbentzitu beharra dute.

Estrategia integratzaile eta partidistari eusteko hain zuzen ere bazterkeria eta ilegalizazioa bultzatu beharra dute testua onartu duten alderdi nazionalista espainolek.

Euskal Herrian, 2011ko martxoaren 3an

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.