2024-04-13
HomeEkintza SindikalaLaugarren mobilizazio astea, Arabako esku-hartze sozialaren sektorean

Laugarren mobilizazio astea, Arabako esku-hartze sozialaren sektorean

Hauxe da sindikatuon ohar bateratua, gaurko mobilizazio egunaren harira:

Arabako Esku-hartze Sozialaren sektorean ordezkaritza duten ELA-COO-LAB-ESK-UGT sindikatuok hiru mobilizazio egun arrakastatsuren ondoren, AISA patronalaren proposamen bat jaso genuen, negoziazio-mahaia berriro martxan jartzeko, patronalaren arabera, erakundeen finantziazio faltagatik blokeatuta baitzegoen.

Atzo, azaroak 9, negoziazio mahaiaren bilera berri horretan, AISAk planteamendu orokorra egin zigun, zehaztasunik gabekoa, eta, gainera, duela hilabete mahaian genuena baino eskasagoa, mobilizazioak eragin zituena baino are kaskarragoa. Argi eta garbi adierazi digute erakundeek, orain arte ez bezala, finantzaketa-bermeak eman dizkietela, baina sektorearen baldintzak hobetzeko proposamenak urrun daudela gure aldarrikapenetatik, eta ez daudela beste mugimendurik egiteko prest.

Hori onartezina da sektoreko langileentzat, 11 hilabetez negoziatzen aritu ondoren!

Bilera amaitzeko, AISAk konpromisoa hartu du ahalik eta lasterren proposamen argi eta zehatz bat egiteko mahai gainean dauden puntu guztietan.

Jarraian, sindikatuok Emilio Sola Gizarte Politiketako diputatuarekin eta haren lantaldearekin bildu gara. Aldundiak Esku-hartze Sozialaren aldeko apustua egin dutela jakinarazi digu, sektoreko langileen aldetik Hitzarmena aurrera ateratzeko borondatea duela, “bideratzaile” gisa agertu dela eta hori guztia hurrengo negoziazio-mahaian gauzatuko delaren itxaropenarekin utzi gaitu.

Sola jauna, ekintzak nahi ditugu, ez itxaropenezko borondateak!

Gaur, azaroak 10, laugarren asteazkenaz jarraian, Arabako Esku-hartze Sozialeko langileok mobilizazioekin jarraitzen dugu, eta areagotu egingo ditugu patronalak eta erakundeek, ekintzekin, sektoreko lan- eta laguntza-baldintzak hobetzeko apusturik egiten ez badute.

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.