2024-03-28
HomeEkintza SindikalaUSOAn eraginkortasun mugatuko hitzarmena sinatu dela salatu dugu

USOAn eraginkortasun mugatuko hitzarmena sinatu dela salatu dugu

LAB sindikatutik salatu nahi dugu eraginkortasun mugatuko hitzarmenak langileen kolektiboarentzat kaltegarriak direla, ez baititu plantillako ordezkaritza guztiak barne hartzen. Horrek esan nahi du langile bakoitzak banaka sinatu eta atxikitu behar dela hitzarmenari, baldintza berriak aplikatu ahal izateko.

Egoera hau larriagotu egiten da, USOA Barakaldoko Udalaren menpeko enplegu-zentro berezia izanik. Irizpide horiekin, hitzarmen kolektiboaren edukia ez ezik, haren defentsa bera ere arriskutsua dela uste dugu. USOAko komiteko gutxiengoak inposatu du hitzarmenaren sinadura, Barakaldoko Gobernu Taldearen (EAJ-PSOE) laguntzarekin. Gogorarazi nahi dugu LABek USOAren ordezkaritzaren %60 duela. Komite bateko gehiengo sindikalak errespetatu egin behar dira, plantillak berak babestu baititu.

CCOO, UGT eta Ekintza sindikatuek gutxiengoan sinatu dute hitzarmena. Eredu sindikal hori oso urrats arriskutsua da. Izan ere, sinaduraren erabakia langileen asanbladen kontra hartu dute. Are gehiago, gutxiengoan sinatzea espresuki hiru sindikatu hauek eskatu dute.

Horregatik, LABek erabat salatzen du CCOO, UGT eta EKINTZAren jarrera, USOAko plantillari iseka egiteagatik, alde bakarreko erabakia hartzeagatik eta langile gehienen lan-baldintza psikosozialei kalte egiten dien zerbait sinatzeagatik. Gobernu Taldearen (EAJ–PSOE) gezurrak ere salatzen ditugu, hainbeste promesaren ondoren LABen atal sindikala eta plantilla bera manipulatu besterik ez baitute egin. Hitzarmen hau ez sinatzeko erabakian berresten gara, ez zaigulako ez bidezkoa ez nahikoa iruditzen.

Oso larria iruditzen zaigu Gobernu Taldeak (EAJ–PSOE) eraginkortasun mugatuko hitzarmen bat onartzea eta babestea, hori langileen aurkako erasoa baita, langileen kolektiboaren lan-baldintzen artean aldea sortuz.

USOAko gerentziak, PSOEk, EAJk eta aipatutako hiru sindikatuek hitzarmen bidegabe eta diskriminatzaile bat sinatu dute USOA tailerrerako, plantillan ezinegona eta ziurgabetasuna sortuz.

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.