2024-03-29
HomeEkintza SozialaHelduak eta PentsiodunakLangileriari dei egiten diogu larunbateko pentsiodunen mobilizazioetan parte hartzera, urtarrileko Greba Orokorra...

Langileriari dei egiten diogu larunbateko pentsiodunen mobilizazioetan parte hartzera, urtarrileko Greba Orokorra mugarri izango duen dinamika mobilizatzailearen baitan

Hego Euskal Herriko pentsiodunen mugimenduak bi urte daramatza pentsio duinen alde astero mobilizatzen eta, hasieratik, LABek bat egin du mobilizazioekin eta aldarrikapenekin. Argi eta garbi dugu, pentsioen kontrako etengabeko erasoaldiaren atzean, kapital finantzieroa dagoela, eta gure pentsioen kontura negozio berri bat egin nahi duela. Gainera, erasoaldia ez da soilik pentsioetan ematen, gure bizitzaren esparru guztietan kokatzen da, hala nola, enpleguan, eskubide sozialetan, zaintzan, edo eta sektore publikoan.

Pentsiodunek irekitako bide horretan, LAB sindikatuak dagokion lekua hartu eta mobilizazioetan presente egongo da, bide hori babestu duten gainerako eragileekin batera. Krisiaren aitzakian azken hamarkadetan azkartu den lan eta bizi baldintzen prekarizazio prozesuari muga jarri eta lan baldintza, pentsio eta bizitza duinak bermatuko dituzten neurrien aldeko mobilizazio dinamikan parte hartuko dugu. Hala, azaroak 16ko mobilizazioan ez ezik, abenduan aurrekontuen eztabaida tarteko egingo direnetan ere izango gara, urtarrilerako deitutako Greba Orokorra mugarri izango duen dinamika mobilizatzailearen baitan.

Bestelako eredu bat eraiki nahi dugulako, zeinak bizitza erdigunean jarriko duen eta zaintza eta lurraren jasangarritasunari lehentasuna emanen dion, eta erabaki nahi dugulako, lan, pentsio eta bizi duina aldarrikatuko dugu ozen. Pentsio sistema publiko eta propioa orain! 1.080 euroko gutxieneko soldata orain!

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.