LABek eutsiko dio Gipuzkoako Hitzarmen Kolektibo sektorialaren defentsan ekin duen dinamikari, eta azaroaren 28ko greba egunean mobilizazioarekin amaituko den dinamika sindikalari eutsiko dio.
2019ko azaroaren 8an, Gipuzkoako Hirugarren adineko Egoitza-Zentroen hitzarmena negoziatzen ari diren mahaikideak bildu ziren. Bilera hartan, UGT sindikatuak, haren ordezkaritza %10ekoa baino apalagoa izanik ere, aurkeztu zuen proposamen ekonomikoa onartu zuten patronalek, bi aldeen artean akordioa lotuz. Akordio hau partziala da, eznahikoa, eraginkortasun mugatua du, eta Gipuzkoako Hirugarren adineko Egoitza-Zentroetan diharduten langileak zigortzen ditu sektorean eraginkortasun orokorreko hitzarmen kolektiboa ez izatera, zeinak zerbitzua gauzatzen dela egokiro arautuko eta ordainduko duen. Akordio partzial hau UGTk egin duen jukutria edo azpijoko ez-demokratiko baten emaitza da; hori eginez ez da errespetatzen ordezkaritza, sektorean diharduten langile gehienek sostengatzen ez dutelako; zentroetako kudeatzaileen arduragabekeria berria dugu hau: patronalarena alegia, eta mendekotasunen bat dutenei eskaintzen zaien zerbitzuaren titularrak direnena, Aldundia berarena hain zuzen.
Akordio honek Gipuzkoako Hitzarmen Kolektibo Sektoriala negoziatu ahal izatea eta bururatzea baldintzatzen du, non zerbitzu hau osoki gauzatzen dela onartzen eta ordaintzen den. Akordio honek lan egiten dutenen eta zerbitzu sozial hau jasotzen dutenen arteko gatazka gaiztotu eta suspertzen du, alegia, alde batetik, langile gehienen eta erabiltzaileen eta bestetik, zerbitzuaren titularrak eta kudeatzaileak direnen (Gipuzkoako Foru Aldundia eta Patronalak) arteko gatazka.
Gipuzkoako Foru Aldundia bera da gatazka eta babesgabetasun egoera honen arduradun nagusia, zeinak kudeaketa pribatuko eredu baten alde egiten duen, non lan baldintzei, zerbitzuaren kalitateari… edozer diotela ere, jaramonik egiten ez dien. Era berean, patronalek eta zerbitzuaren ikuspegi merkantilista batez, Aldundiaren bermearekin, nahieran egin eta desegiten dute, eskaintzen den zerbitzuaren kalitatea eta langileen lan baldintzak baino, haien mozkin tasa lehenesten dute.
LABek berriro zalantzan jartzen du jendaurrean ELA sindikatu nagusiaren estrategia, hark prozesu honen lidergoa bere gain hartu eta, bitariko estrategia adostuz, langile gehienen egiazko atxikipena lortu baino, tamalez, negoziazio mahaiaren kolapsoa eragin du: hartan esku hartu ez duelako, eta gainerako langileen bizkar negoziatu duelako, akordioak gezurtatu baditu ere, eta Aldundiaren estrategia egokitu du, bere ardurak bertan behera utziz, Aldundia titular nagusia eta zerbitzuaren eta sortu egoeraren arduraduna bada ere.