2024-06-18
HomeEkintza SindikalaLan istripuan zendu den garraiolari nafarraren kasuaren aurrean, sektorean prebentzio neurriak ezartzea...

Lan istripuan zendu den garraiolari nafarraren kasuaren aurrean, sektorean prebentzio neurriak ezartzea premiazkoa dela azpimarratu dugu

Atzo, maiatzak 13, 51 urteko Lizarrako garraiolari bat hil zen lan-istripuan Valareñan (Zaragoza), gidatzen ari zen kamioia iraulita. Cerio Ensilados enpresako behargina zen. Heriotza honekin 23 dira jada aurten lan-istripuz hil diren langileak, eta horietatik 8 garraiolariak. Datu honek esan nahi du aurten Euskal Herrian lan-istripuak eragindako heriotzen %35 garraioaren sektorean gertatu direla.

LAB sindikatutik, lehenik eta behin, elkartasuna eta babesa adierazi nahi diegu hildako langilearen senideei eta lagunei. Denbora asko daramatzagu garraio sektoreko lan istripu-tasa altuaz ohartarazten, urtero garraiolari ugari hiltzen baitira horrela. Hainbat faktore daude ezbehar-tasa altu horren atzean, baina bat nabarmentzen da besteen gainetik: sektorean gero eta prekaritate handiagoa dago. Garraio-sektoreko lan baldintzak oso eskasak dira, eta salgaien garraiorako Nafarroako azken hitzarmena 2008koa dela salatu du LABek.

Lanaldi luzeak, estresa, presioak, garraioagatik ordaintzen duten prezio baxua, lan-baldintzen eraginez modu osasuntsuan elikatzeko zailtasunak… Horrek guztiak lan istripuak izateko aukerak areagotzen ditu, eta, zehazki, arazo kardiobaskularrak izateko aukerak.

Garraioaren sektorean gertatzen diren lan-istripu gehienak saihets daitezke, baina neurriak hartu behar dira sektoreko prekaritatearekin amaitzeko, bai patronalaren aldetik, bai Nafarroako Gobernuaren aldetik. Hala, hildako garraiolarien kopuru onartezinak premiazko neurriak exijitu ditu LABek, eta azpimarratu du premiazkoa dela lan baldintza duinak izango dituen sektoreko hitzarmen berria negoziatzea.

AZKEN ALBISTEAK | ÚLTIMAS NOTICIAS

Nafarroako etxebizitzen alokairuari buruzko datuek erakusten dute premiazkoa dela gaia legez arautzea eta parke publikoa zabaltzeko konpromiso handiagoa hartzea

Iragan ortziralean Nafarroako Estatistika Institutuak Etxebizitza alokatzeari buruzko estatistika argitaratu zuen. LAB sindikatuaren iritziz, ikerketa horrek berresten du merkatuak ez duela alokairuaren prezioa behar bezala erregulatzen eta premiazkoa dela lege eta administrazio neurriak hartzea. Azterlan horren arabera, alokairuaren hileko batez bertzeko prezioa 541,6 eurokoa da, baina azterketak berak onartzen du datu horrek ez duela islatzen alokairuko etxebizitza bat eskuratzeko prezio erreala, etxebizitza librearen prezioa askoz ere garestiagoa baita.

Gernikako Ospitalean erizainen eta erizaintzako laguntzaileak falta direla eta egoera kritikoa dela salatu dugu

Larrialdietako paziente kritikoei arreta ematean, triajean eta boxetan dauden pazienteen segurtasuna arriskuan jartzen da.

Eskola garraioaren hitzarmena desblokea dezatela exijitzeko mobilizazioa egin dugu

Kolektibitateen sektoreko patronalaren enpresetako bat den Eulenen aurrean izan da elkarretaratzea, Eusko Jaurlaritzako Hezkuntza Sailaren mendeko ikastetxeetako eskola-garraioko eta jolastokiko zaintzaileen hitzarmen kolektiboaren negoziazioaren blokeoa salatzeko.