2024-02-29
HomeEkintza SindikalaLABen oharra CCOO eta UGTk Negoziazio Kolektiboa desblokeatzeko iragarri duten proposamenaren aurrean

LABen oharra CCOO eta UGTk Negoziazio Kolektiboa desblokeatzeko iragarri duten proposamenaren aurrean


Atzo CCOO eta UGT sindikatuek negoziazio kolektiboaren desblokeorako proposamen bat aurkeztuko dutela berehala iragarri zuten. Aurkeztekoa duten proposamena zein den oraindik jakin gabe, LAB sindikatutik honakoa adierazi nahi dugu:

-Gure sindikatuak ez du aurkeztuko duten proposamenaren ezagutzarik, bi sindikatu horietatik bat bera ere ez baita LABekin harremanetan jarri, ezta patronala ere.

– Itxura guztien arabera, badirudi gutxiengo sindikaletik kontzertazio soziala berreskuratzeko ahalegin berri bat ari direla egiten, modu horretan patronalak soldatak jaisten eta lan merkatua desarautzen jarraitzeko behar duen bake soziala bermatuz.

– Ez dugu ahaztu behar iazko uztailean CONFEBASK izan zela Akordio Interprofesionala eragotzi zuena. Ez dugu inolako zantzurik iritzia aldatu duela pentsatzeko, kontrakoa baizik.

– Lan erreforma onartu zenetik, honen eraginaren aurka borrokatzeko posizio oso argia izan du LABek beti. Negoziazio kolektiborako marko propioarekin aldeko apustua da gurea, eta sektore hitzarmenak defendatu izan ditugu eta defendatuko ditugu marko propio horren zutabe nagusi gisa.

– Patronala ari da negoziazio mahaiak blokeatzen. LABek argi utzi du ez dituela sinatuko patronalaren estrategiari abala ematen dioten hitzarmenak.

-Legeak eskubi guztiak patronalari ematen dizkio , baina honek zilegitasun soziala falta du, erreformaren aplikazioan nahi duen martxan aurrera egin ahal izateko. Patronalari behar duen berme soziala ez dio LABek emango.

– Patronalaren estrategia aldatu ez bada, zer behar da akordioak lortzeko? Gure helburuak alditik aldira gero eta gehiago gutxitzea, patronala emateko prest dagoen horretara heldu artean. Ez dute horretarako LABen babesik izango.

– LABek argi du, negoziazio kolektiborako eskubidearen defentsan enpresetan borrokan jarraituko dugu eta klase politikoa interpelatzen segiko dugu, behingoz erreformaren eragina gaindituko duen lan harreman eredu berri baten inguruko eztabaidari ekiteko.
 

LAB Facebooken

 

 


AZKEN ALBISTEAK | ÚLTIMAS NOTICIAS

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.