2023-12-11
HomeZerbitzu PublikoakUdal eta Foru AdministrazioaLABek Viveros Perica S.A. kontratan subrogazio klausulen betetzea kontrola ditzan eskatzen dio...

LABek Viveros Perica S.A. kontratan subrogazio klausulen betetzea kontrola ditzan eskatzen dio udalari

LAB sindikatuak, Viveros Perica S.A. lorezaintza enpresak kontratu publiko baten adjudikazioduna den heinean, betebehar laboralen betetzeari buruz Vitoria-Gasteizko udaletxearen aldetik beharrezkoa den kontrol falta salatu nahi du.
Betebehar hauek lan arloan, gizarte segurantzan eta lan arriskuen prebentzioen arloan indarrean dauden xedapenak betetzean oinarritzen dira. Hala nola, plantillaren lan eskubideetan subrogatzeko betebeharra.

Hala ere, 2011ko abuztuan OSALANek prestatutako txostenean agertzen den bezala, Viveros Perica S.A.k ez ditu lan osasunaren arloan arauak betetzen. Izan ere, txosten horrek enpresak behar diren prebentzio neurririk hartzen ez dituela zehazten du, langileak arriskuan jartzen dituelarik.

Subrogazio eskubidea bete gabe utzirik, haien lankideengandik urruntzeko eta bakarrik uzteko, enpresak traba egiten dizkien langileak zigortzen ditu ez dagozkien loteetara bidaliz. Are gehiago, langileen ordezkariak izate hutsagatik zigortuak izatera heltzen dira.

Hau dela eta, subrogazio klausulen kontrola eta betearazteko behar diren mekanismoak ezar ditzan eskatzen diogu Vitoria-Gasteizko udaletxeari. Hala nola, pasa den urrian oposizioko udal talde guztiek mozio baten bitartez, zerbitzu publikoen mantentzeari eta hobekuntzari dagozkion artikuluak bete ditzan udal gobernuari eskatu zioten bezala.

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.