2023-12-03
HomeZerbitzu PublikoakOsasungintzaLABek Osasun Zerbitzu euskaldunen alde Zumaiako bidea jarraitzera deitzen ditu langilegoa eta...

LABek Osasun Zerbitzu euskaldunen alde Zumaiako bidea jarraitzera deitzen ditu langilegoa eta herritarrak

Osasun Zerbitzu euskaldunak eskatu asmoz atzo Zumaian 150 herritar eta osasungintzako langilek agerraldia eskaini zuten. Herritar, udal instituzio, langile, euskaltzale, gazte… guztiok euskaraz bizitzeko eskubidea gauzatzeko determinazioarekin egindako lanak Osakidetzak euskara baztertuz hartu zituen neurri eskandalugarri eta araudien kontrakoak atzera bota behar izan ditu Zumaian.

LABen irakurketa
Euskara Osasun Zerbitzuetan
LAB sindikatuak Zumaiako bidea jarraitzera deitzen ditu langilegoa eta herritarrak

«Osasun Zerbitzu euskaldunak eskatu asmoz gaur Zumaian herritar eta osasungintzako langile multzo haundia bildu gara, agerraldi jendetsu eta ikusgarrian. Azken asteotan Zumaian emandako erantzunaren tamainakoa izan da agerraldia. Izan ere, LAB sindikatuarentzat guztiz eredugarria izan da Zumaian elkarlanean oinarritutako erantzuna: herritar, udal instituzio, langile, euskaltzale, gazte… guztiok euskaraz bizitzeko eskubidea gauzatzeko determinazioarekin. Nahiz eta oraindik geratzen den zer eginik, Osakidetza euskara baztertuz hartu zituen neurri eskandalugarri eta araudien kontrakoak atzera bota behar izan ditu Zumaian.

Herri eta langileriaren aktibazioaren bidez, elkarlanaren bidez, osasun zerbitzuetan euskaraz bizitzea posible dela frogatua geratu da. Zumaiako garaipena Euskal Herri osora zabaltzea posible eta beharrezkoa da eta hori izango da LAB sindikatuaren apostua.

Azkenik, Osakidetzari exijitzen diogu osasun zerbitzuetan euskaraz bizitzearen alde gaur Zumaian entzun den aldarria kontutan hartu dezala behingoz eta euskararen normalizazioak behar dituen plangintza, bitarteko eta laguntzak abiatu ditzala Osakidetza osoan. LAB sindikatuak kalitatezkoa osasungintza publikoaren aldeko bere apostua berresten du eta bide horretan indarrak biltzeko deia egiten du.

Zumaian, 2014ko uztailaren 8an»

 

 

 

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.