2024-06-25
HomeNazioartea IdazkaritzaHarremanakLAB KESK sindikatu Konfederazioaren 8. Biltzar nagusian izan da

LAB KESK sindikatu Konfederazioaren 8. Biltzar nagusian izan da

LABeko ordezkaritza batek Turkiako Zerbitzu publikoetako KESK sindikatu Konfederazioarenn 8. Biltzarrean parte hartu du. LABeko ordezkaritza Arantxi Sarasolak, Zerbitzu Publikoen Federazioko Idazkaria eta Gaizka Zuriarrainek, nazioarteko Idazkaritzakoa, osatu dute.

KESK 1995ean sortu zen eta zerbitzu publikoetako 11 sindikatuz osaturik dago. KESK (Zerbitzu publikoak) eta DISK (zerbitzu pribatuak) sindikatu konfederazioak Turkiako Sindikalgintza Iraultzailea osatzen dute. Honen ondorioz, Turkiako gobernuaren eskutik etengabeko kriminalizazio kanpainak, sarekadak, atxiloketak, e.a. pairatzen dituzte. Horrela, 2013an sarekada baten ondorioz KESKeko 502 kidea atxilotuak izan ziren Turkiako herri desberdinetan. 2014 ko urtarrilean hasi zen beraien kontrako auzia.

KESKeko Biltzarrean kurdu herriarekiko elkartasuna eta sustengoa etengabea izan zen, horrela beste gauzen artean Roboskiko masakrea gogoratu zuten. Maiatzean hil ziren 301 meatzariak ere gogoratu zituzten.

LABek erasoen aurrean bere elkartasun eta sustengoa adierazi zuen eta gizarte-babeserako zerbitzu eta Zerbitzu publiko berri batzun eraikintzan lan egiteko beharra defendatu, non sakoneko aldaketak beharrezkoak diren eta langileok zer esan handia dugun.
 

 

 

AZKEN ALBISTEAK | ĂšLTIMAS NOTICIAS

Ilundain gizarteratze eta laneratze enpresarekin adostu dugu bigarren hitzarmenak erosteko ahalmena bermatzea eta atxikimendu sozioafektiboa barne hartzea

Hilabete batzuetako negoziazioen ondoren, LAB sindikatuan —ordezkaritza sindikal osoa baitugu— akordioa lortu dugu Nafarroako Ilundain gizarteratze eta laneratze enpresarekin, bere bigarren hitzarmena sinatzeko. Hitzarmen horrek nabarmen hobetzen du aurrekoa, soldata taula osoan KPIaren igoera ziurtatzen du, eta, lehenbiziko aldiz, aukera ematen du langile bakoitzak ordaindutako baimenak lor ditzan ahaidetasunik gabeko pertsonen zaintzarako.

Zerbitzu publikoak indartzeko hitzetatik ekintzetara pasatzeko eskatu diegu EAEko erakunde eta alderdiei

Sindikatuok elkarretaratzea egin dugu gaur Espainiako Gobernuak Gasteizen duen ordezkariordetzaren aurrean, enplegua eta langile publikoen soldatak hemen erabakitzea aldarrikatzeko.

Duela hamar urte eroritako Nafarroako Industria Grafikoaren hitzarmen kolektiboa berreskuratzearen alde gaude

Gaur goizean Iruñean eman dugun prentsaurrekoan azaldu dugu Nafarroako Industria Grafikoaren hitzarmena 2014an erori zela, eta ordutik sektoreko langileen lan baldintzek nabarmen egin dutela okerrera. LABen uste dugu badela garaia tresna hura berreskuratzeko eta langileen baldintzak duintzeko; horregatik, udaren bueltan sektoreko intersindikala deituko dugu.