2024-02-27
HomeUncategorizedLABek Nafarroako Kutxako aitzinako egoitza eta Diputazioa lotu ditu 180 metroko txorizo...

LABek Nafarroako Kutxako aitzinako egoitza eta Diputazioa lotu ditu 180 metroko txorizo baten bidez


Maiatzaren 30ari begirako ekintza ikusgarri baten bidez, LAB sindikatuak Carlos III.ean dagoen Nafarroako Kutxako egoitza ohia eta Diputazioa lotu egin ditu 180 metroko txorizo baten bidez. Txorizoa Arbizun fabrikatu da, 15 metroko urdaiak batuz, eta Grebaren egunean banatuko da, 19:30etan, Diputazioaren aurrean egingo den eserialdi eta txorizadan. Igor Arroyok Maiatzaren 30eko grebarako deia egin du, "txorizoak bota eta erregimen ustel eta antisozialarekin amaitzeko". 

Ekintzan zehar, LABeko bozeramaile Igor Arroyok "Nafarroako 7 lehendakarietatik 5 epaitegietatik pasa direla edo pasako direla" salatu du. LABen iritziz, Nafarroan erregimen ustel eta antisoziala indarrean dagoela erakusten du: "Foru Hobekuntza herritarrei bizkarra emanez inposatu zuten, eta herritarren bizkar aberastu egin dira urte hauetan guztietan zehar. Murrizketak inposatzen zizkiguten bitartean, UPN eta PSNko politikariak diru asko irabazten ari ziren Nafarroako Kutxa eta beste instituzio batzuetan".

LABek "Barcina eta Maya txorizoen dimisioa" eskatu du, baita "erregimen antisozial eta ustelaren amaiera" ere. Hauxe izango da, hain zuzen ere, Maiatzaren 30eko Greba Orokorraren aldarrikapenetako bat.   

LAB SAREAN
{module[111]}

     

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.