2024-02-24
HomeZerbitzu PublikoakOsasungintzaLABek Gurutzetako hospitaletako zuzendaritzaren jarrera salatzen du, mobilizazioak eten nahi baititu beldurraren...

LABek Gurutzetako hospitaletako zuzendaritzaren jarrera salatzen du, mobilizazioak eten nahi baititu beldurraren bitartez

Gurutzetako Ospitaleko zuzendaritzak irailaren 26ko greba deialdian parte hartu zuen langile baten kontrako diziplina auzibidea abian jarri du. Aipaturiko langileari falta oso larria leporatzen diote, honek 2 urtez lana eta soldata bertan behera uztea eragin lezake. LAB sindikatuak, Osakidetzako langileek euren eskubideak defenda ez ditzaten erabiltzen ari diren maniobra salatu nahi du.

Osasungintzan eta arloko langile publikoen lan eskubideak murrizten ari diren honetan, goranzkoan doazen mobilizazioak eten nahi dituzte beldurraren bitartez. Honako kasuan greba eskubidea bera dago kolokan.

Ospitaleko gerentziari auzibidea bertan behera uzteko eskatu zaio. Horretarako ehunka sinadura jaso dira dagoeneko baita Bizkaiko Arreta Espezializatuaren Pertsonal Batzordearena ere, zeinetan ELA, LAB, ESK, CCOO, UGT, SATSE y SME sindikatuak dauden. Urtarrilaren 3an kontzentrazio burutuko da gerentziaren aurrean, goizeko 10etan.

 


 

AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.