Corrugados Azpeitia enpresako komiteak, langileek asanblada bidez, duela 6 hilabete hasitako greba mugagabea bertan behera uzteko erabakiaren berri eman du.
Komitearen prentsaurrekoa
Borroka planteamendu berri honekin negoziazio fase berria zabaldu nahi dugu:
- Prozesu honen hasieran negoziatzeko prest geundela esaten genuen.
- Argi gelditu da enpresak negoziatzeko izan duen borondate eza. Horren lekuko sententzi biak (EREarena eta soldata eta lanaldiarena)
- Argi gelditu da inposaketaren bidetik konponbiderik ez dagoela. Dauden arazoei negoziazioaren bitartez eman behar zaie irtenbidea eta gu, horretarako, prest gaude.
- Negoziaketarako badugu proposamena:
- kalerapenak borondatezkoak izan behar dira
- Gallardok gure enpresaren etorkizuna bermatu behar duela produkzioa ekarriz
- Negoziazioari epe bat ipiniko diogu. Epea akordiorik gabe bukatu ezkero kalera aterako gara berriro.
Enpresak arazo ekonomikoak balitu aztertu beharko lirateke baina ezin dugu onartu, inposaketaren bitartez, langileak egoera ekonomikoaren arduradun bakarrak bihurtzea edota langileek gure eskubideak urratuta egoera ordain dezagun eta, bitartean, Gallardok egoeraren inguruan inongo konpromisorik hartu gabe jarraitu. Enpresaren bideragarritasuna ezin da oinarritu kalerapenetan eta eskubideen lapurretan, konpromiso sendoak behar dira.
Gure borrokarekin erreformari aurre egin diogu, inposaketari aurre egin diogu eta harro gaude egindakoaz. Ez dakigu borroka noiz arte mantendu beharko dugun, baina orain enpresari tokatzen zaio egoera baloratu, erabakiak hartu eta benetako borondatea agerian utzi.
Lehen esan dugun bezala grebak urtarrilaren 2ko goizeko 8:00ak arte jarraituko du.
Enpresaren eskuetan dago irekitako aukera aprobetxatzea. Akordiorik gabe ez dago etorkizunik.»