2023-12-07
HomeUncategorizedLAB Gasteizko parlamentuaren aurrean abenduko paga eta zerbitzu publikoen alde mobilizatu da

LAB Gasteizko parlamentuaren aurrean abenduko paga eta zerbitzu publikoen alde mobilizatu da

Gaur abenduaren 28a, LABeko zerbitzu publikoetako hainbat delegatuk kontzentrazioa egin dugu Gasteizko parlamentuaren aurrean. Izan ere bertan langile publikoen gabonetako pagaren eztabaida egitekotan zen, eta aukera horretaz balidatu nahi izan dugu gaiarekiko geure jarrera azaltzeko, baina zentralitatea zerbitzu publikoei eta negoziazio kolektiboaren eskubideari emanez.

EAJk dagoeneko gabonetako paga galdu dugula adierazi du, eta ekainekoa urtarrilera aurreratzera mugatuko da bere Jaurlaritza. Are okerrago, diru hori murriztu beharrik ez duela onartu du, baina halere egin egingo du, izatez baita gastatuko ere. Tranpa dialektikoaren bidez, "gastu soziala handitzeko" erabiliko duela dio, atentzioa desbideratzeko asmoz. Eusko Jaurlaritzak murrizketak bere iniziatibaz egingo ditu, zerbitzu publikoen pribatizazio eta eraispenaren bidea jarraituz.

Madrilgo erabakiak gauzatzeko zein bere kabuz erabakitako murrizketak egiteko halako gobernu autonomiko edo erregionalista bat ez dugu behar Araba, Bizkaia eta Gipuzkoako herritarrok eta langile klaseak. Hori bada euren asmoa, hobe dute karguak uztea.

LABek burujabetzan oinarritutako alternatibaren norabidean borrokan eta lanean jarraituko du, baita langileei termino hauetan borrokara lotzeko eskaintzak lantzen ere.»

 

 

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.