2024-09-19
HomeZerbitzu PribatuakMerkataritzaLABek Calzados La Palman aurkeztutako hartzekodunen lehiaketa errefusatzen du

LABek Calzados La Palman aurkeztutako hartzekodunen lehiaketa errefusatzen du

Calzados La Palmako langileak aste honetan informatu dituzte hartzekodunen lehiaketa aurkeztu dutela. Langileek publikoki adierazi nahi dute neurri hori goitik behera errefusatzen dutela, are gehiago enpresak egoera konpontzeko neurriak planteatu dituenean, jarrera positiboa erakutsi dutenean euren lanpostuen etorkizuna bermatuko luketen plan errealak egiteko.

Enpresak beti baztertu du langileen partaidetza honetan. Enpresak inoiz ez du mahai gainean informazio guztia argitasunez jarri izan nahi, egindako operazio batzuk izktutatu egin dizkiete langileei. Operazio hauek negozioaren bideragarritasunaren guztiz kontrakoak izan dira askotan, eta zuzendaritza langileei onartezinak ziren ahalegin ekonomikoak eskatzera mugatu da.

Langileen arabera egungo egoera ez da soilik krisiaren ondorio, azken urteotan nahita egin den kudeaketa batena baino, jarduera etetera argiki bideratua. Lehiaketa orain aurkeztea ez da kasualitatea, jabeek negozioa bertan behera uzteko aukeratu duten unea baino. Bestela, ez da ulertzen langileak salmentak historikoki onuragarriak izan diren marka errentagarrietan zentratzeko erakutsi duten ahaleginaren aurrean, errentagarritasun apala duten produktuetan inbertitzen jarraitzeko joera. Hala ere, salmenten jaitsiera ez da esanguratsua izan, baina zorrek gora egiten dute.

Zalantzagarria sortzen ditu azken urteotan enpresak izan duen ibilbideak negozioari errentagarritasunik edo jarraitzeko inolako bermerik ematea. Krisi ekonomikoa ala borondate krisia? Calzados La Palma, Bilboko enpresa ezagunak azalpenak eman beharko ditu aipatututako guztiaren inguruan, eta hartutako neurriak justifikatu.

Enpresako langileek 40 urte daramatzate batazbeste bertan lanean eta adin zailean dauden lan mundura berriro sartzeko. Euren lana ondo egin ondoren langabeziaren atarian aurkitzen dute euren burua. Nagusiak dira beste enplegu bat aurkitzeko baina gazteegiak jarduera uzteko, euren familiekin, euren kargekin eta urte asko kotizatu ondoren euren laneko bizitza duintasunez amaitzeko bermerik gabe. Langileek enpresaren arduradunei euren etorkizuna nolakoa izango den galdetzen dietenean, ez dute erantzunik aurkitzen. Sakrifizioak eskatu dizkiete langileei, hala ere, inork ez du erantzungo kondenatzen dituzten egoera prekarioaren aurrean.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.