2024-03-05
HomeZerbitzu PublikoakGarraioaLABek 5.000 buletin informatibo banatu ditu Villavesako langile eta erabiltzaileen artean

LABek 5.000 buletin informatibo banatu ditu Villavesako langile eta erabiltzaileen artean

LABek ekimen honekin langileen borrokak jaso duen babes soziala eskertu, borrokaren balantzea egin eta datorren erronka hiri-garraioa sektore publikora bueltatzea dela aldarrikatu nahi izan du.

Hiri garraioko grebaren amaiera gazi-gozoa izan da. Alde batetik, langileen borroka grina txalotu beharra dago: borrokak emaitzak ematen dituela erakutsi dute, enpresa harroputza mugiaraziz. 24 greba egun kasik %100eko jarraipenarekin eta mobilizazio ugari burutu ditu. Borroka horri esker, Langile Batzordearen gehiengoak onartu zuena baino gehiago lortu izan da eta ziur gaude grebaren helburuak lortu izango zirela, Langile Batzordeak bitan (urtarrilak 3 eta urtarrilak 6) amore eman izan ez balu. Era berean, erabiltzaileen jarrera txalotu beharra dago, langileen aldarrikapenak babestu baitituzte uneoro. Azkenik, Langabetuen Kolektiboa edota Herri Ekimena bezalako
eragile sozialen inplikazioa azpimarratu beharra dago, langileekin elkartasunez eta kalitatezko zerbitzu publikoaren alde mobilizatu direnak.

Beste alde batetik, Jose Muñozek (PSN) zuzenduriko Mankomunitatearen jarrera salatu nahi dugu. Bitartekari gisa aritu eta interes publikoa zaindu beharrean, enpresaren alde aritu da, hasieran beste aldera begiratuz eta aurrerago langileen borroka desprestigiatuz eta kosta ala kosta greba bertan behera gera zedin saiatuz. Era berean, UPN greba eskubidearen kontra aritu da, gutxieneko zerbitzu abusiboak inposatuz; Iruñeko Alkate Enrique Mayak udaltzainei villavesetara igotzea agindu zien, #sinpan parte hartzen zuten herritar solidarioak kikiltzeko asmoz. Azkenik, Langile Batzordearen kudeaketa txarra aipatu beharra dago, langileek eramandako borrokaren mailan egon ez eta enpresarekin txikira jokatu duena.

Greba amaitu egin da bere helburua (laudo arbrital bidez inposatutako soldata murrizketa) bete gabe. TCCk milioika euro irabaziko ditu datozen urteetan langileen kontura, zerbitzu publiko baten kontura. Baina hori esanda, LABek argi du benetako erronkari heltzeko baldintzak sortu direla: hiri-garraioaren errebertsioa sektore publikora, enpresen diru gosearen biktima izan ez dadin.
 

LAB sarean
{module[111]}

AZKEN ALBISTEAK | ĂšLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.