2024-02-26
HomeUncategorizedLAB Nafarroan bere ordezkaritza gehien handitzen duen sindikatua da aurten, UGT eta...

LAB Nafarroan bere ordezkaritza gehien handitzen duen sindikatua da aurten, UGT eta CCOO jaisten diren bitartean

Eremu sindikala mugitzen hasi da, hauteskunde sindikalen garai trinkoaren atarian gaudenean, atxikitutako agiri ofizialetan ikus daitekeenez. 2013ko abenduaren 31tik 2014ko uztailaren 31ra dauden zazpi hilabeteetan, Nafarroan aldaketaren alde egiten duen indar sindikalak, LABek 21 ordezkari gehiago lortu ditu, UPNren Gobernuaren eta Patronalaren menpe dauden sindikatuek, UGT eta CCOOek, hurrenez hurren 11 eta 41 ordezkari galdu dituzten bitartean.

Nabarmentzekoa da LABek dituen bitartekoak UGT eta CCOOek dituztenak baino askoz apalagoak direla, azken hauek UPNren Gobernuaren finantziazio berezia jasotzen baitute prestakuntza programa eta bestelakoen bidez. Oraindik hauteskunde sindikalen multzo handiena egiteke badago ere, aipatutako datuek joera adierazgarria islatzen dute: UGT eta CCOOen morroitza sindikalaren arbuioa nahiz LABen aldeko apustua. Ildo honetan, datozen hilabeteetan LABek Nafarroako txoko guztietara heltzeko ahaleginak biderkatuko ditu.

Nafarroako aldaketa politiko eta sozialaren alde, klase sindikalismo konprometituaren alde egiten duten horiei, LABekin bat egiteko gonbidapena luzatzen diegu, bai bere hautes zerrendetan parte hartuz, bai bere hautagaitzen alde bozkatuz eta baita ordezkaritza sindikalik ez duten enpresetan hauteskunde sindikalak sustatuz.
 

 

 

AZKEN ALBISTEAK | ÚLTIMAS NOTICIAS

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.