2024-02-27
HomeEkintza PolitikoaLAB: «Barcinaren amore ematea herri garaipena da»

LAB: «Barcinaren amore ematea herri garaipena da»

Azken urteetan zehar, nafar langileria hamaika aldiz eta hamaika moldetan mobilizatu egin da. Milaka lagun atera dira kalera Nafarroaren konkista gogoan hartu, murrizketak nahiz ustelkeria salatu eta aldaketa politiko eta soziala aldarrikatzeko. Nafarroa nahierara erabili duen elite ekonomiko eta politikoari aurre egin dion herri hegemonia berria eratzen ari da.

Elite horrek sakrifikatu du hain zuzen ere Barcina (xakearen hizkeran peoia baino gehiago badena; erregina dela esan liteke, partida arriskuan dagoenean sakrifikatzen dena), Erregimen ustelaren fatxada berritzen saiatzeko. Barcinaren porrota beraz herri garaipena da, herri mobilizazioak deslegitimatu baititu bere politika antisozial eta ustelak. Orain ahaleginak biderkatu egin behar dira Erregimenaren zernahi berrikuntzari aurre egin eta behingoz aldaketa politiko eta sozialaren prozesua martxan jartzeko Nafarroan.

LABen iritziz, prozesu horrek hiru erronka nagusi ditu: lehenik eta behin, politika ekonomiko eta soziala errotik aldatu langileriaren mesedetan (enplegua, etxebizitza, osasungintza, hezkuntza, babes soziala); bigarrenik, Erregimenak sustatutako kortijo, pribilejio eta ustelkeria ororen eraispena (administrazioko burokrazia, Elkarrizketa Sozialaren Holdinga, Opus Deiren aldeko politika); eta hirugarrenik, demokratizazio osoa, nafar herritargoak bere eskubideak gauzatu ahal izan ditzan (abortorako eskubidea, euskaraz ikasi eta bizitzeko eskubidea, geure etorkizunaz erabakitzeko eskubidea).

Argi eta garbi dago Nafarroa ustiatu duen elite ekonomiko eta politikoak, UGT eta CCOOen laguntzarekin, bereak eta bi egingo dituela aldaketa prozesua eragozteko. Horregatik beharrezkoa da langileria bere indar guztiekin mobilizatu dadin, aldaketa prozesu hori ahalbidetzeko. LAB eskuz esku arituko da aldaketaren alde apustu egiten duen ororekin.
 

 

 

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.