2023-12-03
HomeEkintza SindikalaJokin Bildarratzen sailak ezezko borobila eman dio kalitatezko jangela zerbitzua eskaintzeari eta...

Jokin Bildarratzen sailak ezezko borobila eman dio kalitatezko jangela zerbitzua eskaintzeari eta jangelako langile guztien lanpostuak eta lan baldintzak bermatzeari

Protesta egin dugu Eusko Jaurlaritzaren Bilboko egoitzaren aurrean, ikastetxe publikoetako eskola-jangeletako langileen lanpostuak arriskuan daudela ohartarazteko.

Salatu dugu Jokin Bildarratzen Hezkuntza Sailari ez zaizkiola batere axola  ikasleak eta jangelako langileak, eta hala erakutsi du berriro ere LAB sindikatuarekin izandako bileretan.

Jokin Bildarratzen sailak ezezko borobila eman dio kalitatezko jangela-zerbitzua eskaintzeari eta jangelako langile guztien lanpostuak eta lan-baldintzak bermatzeari.

Ikastetxe publikoko jangeletako langileen etorkizuna oso iluna da. Gure lanpostu asko desagertuko dira eta gure lan-baldintzak nabarmen okertuko dira.

Hau esanda, LAB sindikatuak langileei eta gainerako sindikatuei dei egiten die indarrak batzeko, Hezkuntza Sailari ozen eta argi esateko: edo langileen ordezkariekin lanpostuak mantentzea negoziatzera esertzen da, ratioak eta lanaldien igoera aldatuta, edo aurrez aurre izango gaituzte.

AZKEN ALBISTEAK | ĂšLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.