2024-04-15
HomeIndustriaPapergintzaJarraipen masiboa Gipuzkoako papergintzako boskarren greba egunean eta grafikagintzako hirugarrenean

Jarraipen masiboa Gipuzkoako papergintzako boskarren greba egunean eta grafikagintzako hirugarrenean

Gaur, uztailaren 3an, Gipuzkoako papergintza eta grafikagintzako sektoreetako lagileek beste greba egun bat egin dute. Paperean boskarren greba eguna izan da gaurkoa eta grafikagintzan hirugarrena. Gaurkoan ere grebaren jarraipena masiboa izan da bi sektoreetan. 

Papergintzaren kasuan ekoizpena erabat geldirik egon da. Grafikagintzan ere jarraipena oso altua izan da. Sektoreko enpresa ugarik itxi egin dute: SAM, Corenso, Arrosi, Borobil, Tubopack, Cicarsa, Leitzaran, Nueva Editorial, Mayensa, Cartonajes Arregi, Araxes, Otzarreta, Goiherri eta abar luze bat. Gaur, Ertzaintzaren jarrera bortitza salatu nahi dugu ez baitu pikete informatiboen lana aurrera eramaten utzi hainbat lekutan. Ez zaie piketei asanbladak antolatzen utzi langileei grebaren arrazoiaz informatzeko. Onartezina da.

Gaurko egunean berriro ere bi sektoreetako langileek erantzun bikaina eman dute. ADEGIren jarrrera inmobilista eta arduragabearen aurrean, bi sektoreetako langileek euren lan baldintzak defendatzeko prest daudela agertu dute gaurkoan ere. Eta horrela jarraituko dute benetako negoziazioa eta hitzarmen duina lortu arte.

Bi sektoreetako langileek manfiestazioa egin dute Tolosako kaleetan. Bihar, uztailaren 4an, Donostiako Foru Aldundiaren aurrean mobilizatuko dira 11:00etatik aurrera grafikagintzako langileak eta 12:00etan, papergintzako langileak. Bi mobilizazioek industriako delegatuen babesa izango dute.
 

 

 

AZKEN ALBISTEAK | ĂšLTIMAS NOTICIAS

Bizkaiko esku hartze sozialeko langileek hiru eguneko baraualdiari ekin diote Foru Aldundiaren aurrean

Ekimen honetaz gain, greba eguna deitu dugu LAB eta ESKk apirilaren 17rako, Bizkaiko esku hartze sozialeko hitzarmenaren alde.

50. urteurrenaren harira, Maiatzaren Lehenean manifestazio eta jaialdi nazionala antolatu ditugu Iruñean

LABen 50.urtemugako ospakizun betean dator aurtengo Maiatzaren Lehena. Une gozoa da sindikatuarentzat, zalantzarik ez. Hala ere, ez diogu gure bilakaerari bakarrik begiratzen. Gure misioa langileen lan eta bizi baldintzen alde borrokatzea da, eraldaketa soziala eta aldaketa politikoak eragitea.

Intersindikalarekin mobilizatuko da LAB Maiatzaren Lehenean Baionan, bazterketa gaindituz

Prentsaurrekoa egin dugu Baionako Merkatuan LAB, CFDT, CGT, UNSA, FSU eta Solidaires sindikatuok aurtengo Maiatzaren Lehenean bertan egingo den manifestazioa iragartzeko. Bertan izan da Argitxu Dufau Ipar Euskal Herriko bozeramailea, izan ere, aurten LAB intersindikalarekin batera mobilizatuko gara langileen egunean, urte luzez pairatu behar izan dugun bazterketa gaindituz.