2024-04-20
HomeLAB SindikatuaLABIpar Euskal Herriko udal hauteskundeetako hautagaiei galdetegi bat helarazi diegu, herritarrek euren...

Ipar Euskal Herriko udal hauteskundeetako hautagaiei galdetegi bat helarazi diegu, herritarrek euren konpromisoen berri izateko

Justizia soziala bermatzeko eta ingurumenaren defentsarako dinamiketan inplikatuak gara LABeko kideak, egunerokotasunean. Horretarako, galdetegi bat osatu dugu Ipar Euskal Herriko udal hauteskundeetako hautagaien iritziak jakiteko, hainbat gairen inguruan. Emango dituzten erantzunak publiko egingo ditugu, zerrenda bakoitzaren lehentasunak eta konpromisoak ezagutzeko. Izan ere, gaurko hautagaiak izango baitira biharko Euskal Herriko langile guzientzat erabakiak hartuko dituztenak.

"Tokiko eta kalitatezko zerbitzuen alde zaude?", "Euskal Herrian euskararen ko-ofizialtasunaren alde zaude?"… hainbat gairen inguruko hamahiru galderez osatutako galdetegia helarazi diegu Ipar Euskal Herriko udal hauteskundeetako hautagaiei. Euskara, ingurumena, berdintasuna, bake prozesua…  gai hauei guztiei buruz duten iritzia jakin nahi dugu. Hala, erantzunak publiko egingo ditugu, herritarrek haien lehentasunak eta konpromisoak ezagutu ditzaten bozka eman aurretik.

 

 

 

AZKEN ALBISTEAK | ÚLTIMAS NOTICIAS

LABek ez du sinatu EAEko anbulantzietako aurreakordioa, hilabete luzetako borrokan planteatutako gutxieneko hobekuntzak ez baititu jasotzen

Anbulantzietako langileentzat Osakidetzako lankideekiko homologazioa eta soldataz haragoko bestelako hobekuntzak alde batera utzi dituzte azken asteetan LABi bizkar emanda aritu diren ELA, CCOO eta UGTk. LABek ez du sinatu aurreakordioa.

Patronalaren eta instituzioen utzikeriak dirauen bitartean prekaritateak hiltzen jarraitzen duela salatu dugu Gasteizen

Iragan asteburuan bi Euskal langileren heriotzen berri izan dugu, garraiolari bat Lleidan eta langile autonomo batena, Gasteizen. Gure elkartasuna eta besarkada beroena hurbilekoei.

Euskal Herriko Pentsiodunen Mugimenduak iragarritako Herri Ekimen Legegileari babesa adierazi dio LABek, gutxieneko pentsioak 1080 eurotara premiaz osagarritu daitezen

Atzo, apirilak 19, milaka euskal pentsiodun atera ziren kalera. Gasteizen egindako mobilizazioan, 1080 eurotako gutxieneko pentsioa behingoz berma dadin 170 udaletan baino gehiagotan aurkeztutako mozioak izan zituzten hizpide, baita horren segida izango den lantzen dabiltzan Legez besteko Proposamena ere. LABek mugimenduaren aldarriekin bat egiten du eta ekimen berri hau babesten duela adierazi du.