2025-06-25
HomeNazioartea IdazkaritzaElkartasunaElkartasun mezua Italiako Piaggio CT-eko emakume langileekin

Elkartasun mezua Italiako Piaggio CT-eko emakume langileekin

Euskal Herritik LAB sindikatuak enpleguaren alde borrokan dauden Italiako Piaggio CT-ko emakume langileei bere elkartasun eta babes osoa bidaltzen dio. Piaggio CT enpresako langileak 12 urte lan baldintza prekarioetan lanean aritu ondoren kaleratuak izan ziren, eta horren ondorioz borrokaldi bat abiatu zuten. Borrokaldi honetan berriki enpresako teilatura igo eta okupatu egin zuten enpleguaren defentsarako negoziazio bat aldarrikatuz. Enpresak etengabe “social shock absorbers” deiturikoak erabili zituen eta mugagabe lanaldi partzialeko kontratuak erabili zituen; hitz gutxitan azaltzeko lan eskubideak murriztek ahalik eta etekin ekonomiko handiena lortzen saiatu zen urte guzti hauetan.

Piaggio CT enpresako langile guztiak emakumeak dira, eta borroka honek besteak-beste zerbait erakusten badu bereziki emakumeak pairatzen dituzten lan baldintza prekarioak dira. Berriki Euskal Herrian gehiengo sindikalak greba orokor bat deitu genuen. Grebaren aldarrikapenen artean gizon eta emakumeen artean dauden arrakala ezberdinekin bukatzea zegoen; hauxe baita Euskal Herrian ematen den egoera:

-Emakumeen langabezi tasa %10,2koa da (gizonezkoena %7’9).
-Lanaldi partzialen %80 inguru emakumeek burutzen dituzte.
-Emakume langileek orduko %13’8 gutxiago kobratzen dute.
-Pentsio baxuenak dituzten pertsonen %69-a emakumezkoak dira.

Greba orokorrean ere honakoa aldarrkatu genuen:

-Gizon eta emakumeen artean dagoen soldata arrakalaren bukaera.
-Emakumeei inposatzen zaizkien lanaldi partzialekin bukatzea.
-Jatorri sexual, ideologi, nortasun sexual eta aniztasun funtzionalarengatik ematen den diskriminazioarekin bukatzea.
-Etxeko eta zaintza lanak duintzea, eta beste lan batzuek dituzten lan baldintzak errekonozitzea.

Emakumeekin ZOR PATRIARKAL bat dago; hein handiago edo txikiago batean, zaintza lan guztiak eta bizitzaren sustengurako beharrezkoak diren lan guztiak gure bizkar eta doan geratu direlako eta lan hauetatik sistema kapitalistak zein jendarte osoak atera du probetxua.

Arrazoi guzti hauengatik, Piaggio CT enpresako emakume langileei eta Italiako USB sindikatuari gure elkartasun eta babes osoa bidaltzen diegu lan baldintza prekarioen kontra eta langile hauek berronartzearen alde daramaten borroka honetan.
 

 

 

AZKEN ALBISTEAK | ÚLTIMAS NOTICIAS

LAB ez da ADEGI patronalaren konplize izango eta ez du Gipuzkoako eraikuntzako hitzarmena sinatuko

ELAk eraikuntzan erdietsi duen akordioak ez ditu langileon osasuna eta etorkizuneko lan baldintza egokiak bermatzen. ELAk patronalarekiko otzan jokatu du, borrokari uko egin dio...

Nilsa enpresa publikoko langileek enpresa barneko soldata diskriminazioa salatu dute

Ur eta hondakin azpiegiturak eraiki eta tratatzen dituen Nilsa enpresa publikoko langileek elkarretaratzea egin dute gaur Iruñean, aspalditik enpresan dagoen soldata eta lan diskriminazio...

LABek ez du babesten Arabako ehun merkataritzaren akordioa

ELAk, CCOOk eta UGT sindikatuek eta AENKOMER patronalak 2025 eta 2026 urteak arautzeko sinatutako akordioak, beste behin ere, langileen baldintzak hobetzeko asmo falta dakar. Hainbat...