Hezkuntza Sailburuak ez du ezusterik eman legegintzaldiko ildo nagusiak aurkezterakoan

LOMCE aurreproiektuaren aurrean izandako jarrera, negoziatzeko denbora gehiago eskatuz, aurreproiektua erretiratzea exijitu beharrean, Haurreskolak Partzuergoan gaztelaniari bidea ematearen alde agertu, hezkuntzako sindikatuei nazio alarma egoeran gaudela adierazi, Lakuako hezkuntzako teknikariei hezkuntza aurrekontuak egiterakoan pertsonalgo kapituluan ezik, gainerakoetan %30eko murrizketak ezartzea, eta hizkuntza politikan %60ko murrizketa aplikatzeko ahozko agindua emateko aurrekariekin, garbi zegoen PNVren eta Cristina Uriarte Sailburuaren lan ildoak menpekotasunean eta hezkuntza zein hizkuntza eskubideen urraketan oinarrituko direla.

PNVk eta Hezkuntza Sailburuak jakin badakite egungo hezkuntza eskuduntzek zertarako ematen duten, mugatuak jaio ziren eskuduntzak Madrilek egunero legez eta dekretuz husten ari direnean. Badakite hizkuntz aukeratzeko askatasuna ematea, gaztelaniazko irakaskuntzari bidea zabaltzea dela. Badakite, egoera ekonomikoa eta alor gehienetan aurrekontuak doitu behar direla aipatzen dutenean, egoera sozioekonomiko zailenetan dauden ikasleak eta familiak izango direla nagusiki doikuntza horiek pairatuko dituztenak. Badakite, LOMCErekin, lege horrek ezarriko dituen etapa amaierako ebaluazioekin, enborreko irakasgaien edukiak Madrildik ezartzearekin, Lakuak garatuko duen curriculuma karikatura besterik ez dela izango…

Arestian aipatutako Madrilekiko menpekotasuna eta hezkuntza zein hizkuntza eskubideen urraketen aurrean, LAB sindikatuak ondorioztatzen du, legegintzaldi honetan ere salaketari eta mobilizazioari ekin beharko zaiela PNVren politika horri aurre egiteko, eta zentzu horretan hezkuntzako langileak, familiak eta ikasleak deitzen ditu denon artean politika horiek baliogabetzeko. 

 

LAB SAREAN
{module[111]}