2025-07-13
HomeZerbitzu PublikoakZerbitzu SoziokomunitarioaBizkaiko Umeen Zerbitzu Foraleko langile kopurua premiaz handitzeko eskatu dugu

Bizkaiko Umeen Zerbitzu Foraleko langile kopurua premiaz handitzeko eskatu dugu

Uda honetan GUFE-Aldundiko Sekzio Sindikalak Bizkaiko Lurralde Historikoko Batzar Nagusietan eskaera bat aurkeztu zuen Haurren Foru Zerbitzuko administrari zein teknikari postuen kopurua premiaz handitzeko. Helburu hori dela eta, datozen hilabeteetan onartu behar diren 2018ko Aurrekontu Orokorretan beharrezko kopuru ekonomikoa lotu beharra dago. Aipatu eskaera gaur azaldu eta eztabaidatu dute Bizkaiko Batzar Nagusien Eskaeretarako eta Herritarrakaz Hartu-Emonetarako Batzordean. Agerraldi horretan azken boladan zerbitzuak duen funtzionamendu eskasa salatu dute. Izan ere, horrek eragina dauka babesik gabe dauden Bizkaiko adingabeei emandako zerbitzu publikoan. Eztabaida egin bitartean, elkarretaratze bat egin dugu Batzar Nagusien kanpokaldean.
 
LABek Bizkaiko Lurralde Historikoko Batzar Nagusiei Umeen Zerbitzu Foralaren lanpostu administratiboen eta teknikoen kopurua handitzeko eskatu dio, eta horretarako, datozen hilabeteetan 2018ko Aurrekontu Orokorretan beharrezkoa den partida ekonomikoa jartzea.

2016ko Bizkaiko Aurrekontu Orokorretan zerbitzu honen beharrak islatu ziren, nahiz eta argi eta garbi modu eskasean, lanaldi partzialeko psikologo lanpostu bakarra sortuz. Horrek azken bi urteetan (2016 eta 2017) zerbitzu honek barnean duen egoera negargarria iraunarazi eta larriagotu du, eta baita Bizkaian babesik gabe dauden haurrenganako zerbitzu publikoaren gabeziak ere.

Umeen Zerbitzuan jasotako fitxategiak tratatzeko eta kudeatzeko atzerapen kezkagarriak arrisku larriko egoerak eragiten ditu, baita babesik eza adingabekoengan, ez baitira ebazten beharrezko epeetan. Horrez gain, Umeen Babeserako Lege berriak ardura handiagoa eta eskakizun administratibo maila handiagoak eskatzen ditu eta haurren eta beren familien oinarrizko eskubideen berme handiagoa eta tratamendu hobea. Horrek guztiak fitxategiak prozesatzen dituzten profesionalen laneko gainkarga eta laneko segurtasun eza areagotzen du. IMQk berriki egindako arrisku psikosozialen ebaluazioak guzti hau egiaztatzen du.

GUFEko Egoitza Harreraren Unitatearen lan-zamari dagokionez, Babesik Gabeko Haurrekin Esku Hartzeko Eskuliburuak 30/35 kasu aurreikusten du koordinatzaile bakoitzeko, errealitatean 50 kasu dituzte ordea. Umeak eta Nerabeak Babesteko Sistema Aldatzen Duen Lege berria ezartzearen ondorioz, lan-zama handitu egin da.

Esparru juridiko berriaren ondoriozko aldaketa hauek guztiek ez dute Bizkaiko Foru Aldundiaren erantzun instituzionalik, Haurrentzako Plana iraungita baitauka, 2012an bukatu baitzuen. Babesik Gabe Dauden Haurrei eta Nerabeei Laguntzeko Haurrentzako III. Plana (2016-2019) ez du argirik ikusten nahiz eta lehentasunez aurre egin behar diren erronkek duten garrantzia:

• Haurren Zerbitzu Foralen koordinazioa Oinarrizko Gizarte Zerbitzuekin eta zerbitzua ematen duten entitateekin araudi berria kontuan hartuz.
• Umeen Zerbitzuaren kudeaketa eta antolamendua hobetzea, beharrezkoak diren giza baliabideak eta baliabide materialak gauzatuz.
• Emandako zerbitzuaren kalitatea bermatzea eta mantentzea.

Bestalde, gizarte ekintzako beste zerbitzuetan enplegu publikoa handitzeko beharrak aztertzea ere eskatu du LABek.

Hala eta guztiz ere, zerbitzuaren kalitatearen galerak eta lan-zama handiak ez dira soilik Umeen Zerbitzuan gertatzen ari. Gizarte Ekintza Saileko beste unitate administratibo batzuen buruek, hala nola Ebaluazio eta Orientazio Zerbitzukoak, Zentroen Zerbitzukoak edo Prestazioen Eea Diru- Laguntzen Zerbitzukoak, azkenaldian, beren langile kopurua handitzeko segidako eskaerak egin dituzte. Aurrekonturik ez dagoenez, eskaerak bertan behera gelditu dira.

Egoera horren aurrean, Bizkaiko Foru Aldundiak, LAB eta CCOO lan sindikatuekin batera, 2016ko uztailean idatzi zuten foru langileen lan-baldintzen hitzarmenaren/akordioaren 83.b. artikuluaren arabera, konpromisoa hartu zuen analisia eta azterketa egiteko Gizarte Ekintzako Saileko zenbait tokitan lanpostuak sortzea ahalbidetzeko.

Hitzarmena sinatu zenetik urtebete igaro ostean, aipatutako konpromisoa ez zen bete eta Araubide Juridikoaren Eta Funtzio Publikoren Zuzendaritzak 2017ko maiatzean negoziatzeko batzordean aitortu zigun, Gizarte Ekintza Sailaren menpe dauden hainbat zerbitzutan egiturazko arazo larrien iraupena, eta baita ere Gizarte Inklusioa Sustatzeko Zuzendaritzan, Enplegua, Gizarte Inklusioa eta Berdintasuna Sustatzeko Sailaren menpe dagoena.
Hori dela eta, LABetik Bizkaiko Lurralde Historikoko 2018. urteko Aurrekontu Orokorren tramitazioa eta onarpenaren aurrean zera eskatzen dugu:

• Premia handiz Umeen Zerbitzuko langile kopuruaren handitzearen beharra aztertzeko txosten teknikoa prestatzea, kategoria administratibo eta teknikoetan.
• 2018ko Bizkaiko Aurrekontuetan Umeen Zerbitzuan antzeman diren beharrezkoak diren lanpostuak barneratzea.
• Gizarte Ekintza Saileko gainerako zerbitzuetan langile kopurua handitzeko beharrak aztertzeko txosten teknikoa egitea, baita Gizarte Inklusioa Sustatzeko zerbitzuari dagokionez ere, 2019. eta 2020. urteko Bizkaiko Aurrekontuetan diru-hornidura aurreikusteko.

 

 

AZKEN ALBISTEAK | ÚLTIMAS NOTICIAS

LAB sindikatuak irabazi egin du Bost Machine Tools Company S.L. enpresaren aurka jarritako helegitea

Enpresa horretan 2023ko uztailean istripu larri bat gertatu zen eta, ondorioz, langile gazte bat zendu zen. Enpresa batzordearen lehentasuna langilea hil zenetik etorkizunean egon...
00:01:18

Gipuzkoako helduen egoitzetako langileek lanuzteak egin dituzte, lan hitzarmen duinaren alde

Patronalaren blokeoa eta Gipuzkoako Foru Aldundiaren erantzukizun falta salatu dituzte, eta langile publikoekiko ekiparazioa, partzialtasuna amaitzea eta ratioak hobetzea aldarrikatu dute.

Greban dauden SACYReko langileek mobilizazioa burutu zuten atzo, AMVISA aurrean

Gasteizko hustubideak garbitzeaz arduratzen den SACYR AGUAS enpresako langileek mobilizazio bat burutu zuten atzo AMVISAren aurrean. Ia plantila osoa greban dago hitzarmen duin bat...