2024-06-16
HomeEkintza SindikalaGipuzkoako salgaien errepideko bidezko garraioaren hitzarmena negoziatu nahi ez izatea leporatu diogu...

Gipuzkoako salgaien errepideko bidezko garraioaren hitzarmena negoziatu nahi ez izatea leporatu diogu GUITRANS patronalari

2024 urtea hastearekin batera, Gipuzkoako salgaien errepide bidezko garraioaren hitzarmen berri baten negoziazio bideari ekin genion LAB, ELA, CCOO eta UGTk. 2009ko abenduaren 31az geroztik hitzarmenik gabe dagoen sektorea da eta lan-baldintza zeharo desarautuan ari dira 6.000 langiletik gora Gipuzkoa osoan zehar.         

Sektoreko patronalarekin, GUITRANSekin, jarri ginen harremanetan negoziazio mahaiaren eraketari ekingo geniola esateko eta deialdia helarazteko. Bilera hori otsailaren 7an egitekoak ginen, baina GUITRANSek ez azaltzea erabaki zuen. Bigarren aukera bat ere eman genion Patronalari, baina, otsailaren 29an ere ez agertzea erabaki zuen.         

Patronalak birritan egin dio uko gure deialdiari eta, gure iritziz, Gipuzkoako langileen negoziazio kolektiborako eskubidea behin eta berriz urratzen ari da jarrera horrekin. Ez azaltzeko baliatu duen aitzakia, gainera, Gipuzkoako langileekiko errespetu falta izugarria dela irizten diogu eta, argi utzi nahi dugu onartezina dela. Izan ere, Estatu mailako III. Akordioaren negoziazioan ari direla argudiatu du GUITRANSek.  

Egoera honen aurrean, LAB, CCOO eta UGTk agerraldia egin dugu GUITRANSen jarrera salatzeko, Gipuzkoako negoziazioan legitimitatea duen patronal bakarra baita, bere jarduera eremuan ez negoziatzeko aitzakia baliogabeen azpian ezkutatzen delako.         

Beharrezkotzat jotzen dugu Gipuzkoako langileei eta, bereziki, Gipuzkoako Salgaien Errepideko Garraioaren sektoreari segurtasun juridikoa eta arau argiak emango dizkien hitzarmen bat berritzea. Hemen lan egiten badugu, hemen erabaki behar dugu.         

Egoeraren larritasuna ikusirik, epaitegira joateko erabakia hartu dugu eta horretarako arlo juridikoak elkarlanean jarri dira. Gire ekinbidea, ordea, ez da horretara mugatuko. Sektorean lanean ari diren langileek 14 urte daramate egunez egun lan-baldintza prekarioagoetan lanean eta, GUITRANSek adierazi duen axolagabekeria salatzeko ekintza sindikalari ekingo diogu. Datorren apirilaren 12an, goizeko 11:00etan, elkarretaratze deialdia antolatu dugu GUITRANS patronalaren egoitzaren atarian, Donostian (Portuetxe, 9), eta honek bere jarrera aldatu ezean, ekintzak gogortuko ditugu.

Patronalak sektoreko hitzarmena blokatzen badu, errepideak blokatuko ditugu.

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.