2024-09-20
HomeUncategorizedGabonetako ordainsaria zerbitzu publikoetako langile guztiei dagokion eskubidea da

Gabonetako ordainsaria zerbitzu publikoetako langile guztiei dagokion eskubidea da

EAEko administrazio publikoko behin-behineko langileek 2012an jasotako Gabonetako pagaren zatia bueltatu behar izatearen erabakiak, Madrildik etortzen diren murrizketen aurrean Iñigo Urkulluren Gobernuak, langile publikoen oinarrizko eskubideak erasotuz, men egingo duela erakusten du.

PNVren Gobernu berria, auzi honetan erakutsitako jarrerarekin, Madrildik etortzen ari diren eta etorriko diren murrizketen aurrean izango duen jarrera erakusten hasi delakoan gaude; hau da, Madrilek inposatutako neurriei men eginez, langile publikoen oinarrizko eskubideak erasotzeko urratsa bezala ulertzen dugu jarrera hau.

Zentzu honetan, neurri hau sektore publikoan egoera ahulenean dagoen behin-behineko langileen kolektiboari zuzentzen zaio; baina edozein kasutan gogoarazi behar dugu langile finkoen kasuan ere gabonetako ez dela kobratu, ekainekoaren aurrerapen bat baizik. Honek aparteko paga baten galera dakarrelarik edozein egoeratan.

Bukatzeko, gogoarazi nahi dugu ere, LAB sindikatuak idatzi bidez berriki eskatu diola EAEko gobernu berriari azken urteotan egindako murrizketei buelta emateko eta galdutako eskubideak berreskuratzeko bideak aztertzeko bilera; baita sektore publikoko langileen egoera arautzeko Mahai Orokorraren bilera ere. Bitartean Urkulluren Gobernua langileen ekarpenak jaso ez dituen aurrekontuak ixten eta aipatu moduko neurriak hartzen aritzea bereziki salagarria iruditzen zaigu. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.