Gaur, irailaren 26an, Bilboko Lan Harremanen Kontseiluaren egoitzan, Bizkaiko Metagintzako Hitzarmena negoziatzeko 12. bilera burutu da. Patronalak aurreko bileran egindako proposamen bera jarri du mahai gainean, inongo aldaketarik gabe, egungo hitzarmena okertzen duten hainbat proposamen atzerakoi mantenduz gainera, malgutasuna kasu. Soldata igoerei dagokionez, eskaintzen dituen soldata igoera baxuak mantentzen ditu, ez du KPI-a ziurtatzen… hori guztia metalgintzako langileon eros-ahalmena nabarmen murriztu den garaiotan.
Urriaren 13rako deitu da mahai negoziatzailearen hurrengo bilera. Greba deialdiekin ezin dela negoziatu dioen patronala bera ari da hitzarmena blokeatu eta akordioetarako edozein aukera oztopatzen. Beste herrialde edo sektore batzuetan erdietsi diren akordioek agerian uzten dute FVEMeko zuzendaritzaren jarrera dela akordioetara heltzeko oztopo nagusia.
Mugitu nahi ez badute, mugiarazi beharko ditugu. LABetik argi daukagu Bizkaiko metalgintzako langileen eros- ahalmena eta lan baldintzak defendatuko ditugula, eta ez dugula etsiko sektorean akordio duin bat lortu arte.