2024-04-22
HomeEkintza PolitikoaEzinbestekoa da pentsio sistema publiko eta propioaren alde mobilizatzea, guztion etorkizunaren defentsan

Ezinbestekoa da pentsio sistema publiko eta propioaren alde mobilizatzea, guztion etorkizunaren defentsan

Pentsiodunen mugimenduak agerraldiak egin ditu azaroaren 13an, larunbatarekin, egingo dituen manifestazioetarako deia zabaltzeko. Bada, LAB sindikatutik deialdiarekin bat egin dugu eta langileei kalera irtetzeko eskatu diegu, guztion etorkizuna baitago jokoan.

Ekintza Sozialeko idazkari Endika Perezen hitzetan, “pentsio erreforma ate joka dugun honetan, ezinbestekoa da pentsio sistema publiko eta propioaren aldeko lanak biderkatzea”. Perezen esanetan, “ezinbestekoa da langileok kalera atera gaitezen dagokiguna aldarrikatzeko, gure etorkizunaren defentsan”.

Hain zuzen ere, sistema publikoaren aurka Madrildik etor daitezkeen erasoen aurrean, Lan Harremanetarako eta Babes Sozialerako Euskal Esparrua indartzearen aldeko urratsak aldarrikatu nahi ditu sindikatuak, LABeko Helduen eta Pensiodunen Arloaren urteroko batzarrean urrian jakinarazi genuen bezala.

Gizarte Segurantzako Legea, erretiroa 60 urtera aurreratzea, 1.080 eurotik beherako pentsioak kopuru horretaraino osagarritzea eta gizon eta emakumeen artean dagoen pentsio-arrakala ezabatzeko neurriak hartzea dira pentsioen inguruan sindikatuak dituen proposamenak, guztiak ere gure Programa Sozioekonomikoan jasotakoak.

Mobilizazioak

Larunbatean leku hauetan egingo dira mobilizazioak: Gasteiz (12:00, Artium), Donostia (12:00, Alderdi Eder), Iruñea (12:00, Baluarte), Eibar (12:00, Untzaga) eta Bilbo (17:30, Moyua).

AZKEN ALBISTEAK | ÚLTIMAS NOTICIAS

LABek ez du sinatu EAEko anbulantzietako aurreakordioa, hilabete luzetako borrokan planteatutako gutxieneko hobekuntzak ez baititu jasotzen

Anbulantzietako langileentzat Osakidetzako lankideekiko homologazioa eta soldataz haragoko bestelako hobekuntzak alde batera utzi dituzte azken asteetan LABi bizkar emanda aritu diren ELA, CCOO eta UGTk. LABek ez du sinatu aurreakordioa.

Patronalaren eta instituzioen utzikeriak dirauen bitartean prekaritateak hiltzen jarraitzen duela salatu dugu Gasteizen

Iragan asteburuan bi Euskal langileren heriotzen berri izan dugu, garraiolari bat Lleidan eta langile autonomo batena, Gasteizen. Gure elkartasuna eta besarkada beroena hurbilekoei.

Euskal Herriko Pentsiodunen Mugimenduak iragarritako Herri Ekimen Legegileari babesa adierazi dio LABek, gutxieneko pentsioak 1080 eurotara premiaz osagarritu daitezen

Atzo, apirilak 19, milaka euskal pentsiodun atera ziren kalera. Gasteizen egindako mobilizazioan, 1080 eurotako gutxieneko pentsioa behingoz berma dadin 170 udaletan baino gehiagotan aurkeztutako mozioak izan zituzten hizpide, baita horren segida izango den lantzen dabiltzan Legez besteko Proposamena ere. LABek mugimenduaren aldarriekin bat egiten du eta ekimen berri hau babesten duela adierazi du.