Javier Nogalesek, sindikalista ohia eta gobernu sozialistako agintariak, delegatu eta lankide den Patxi Bengoaren aurka salaketa aurkeztu du epaitegietan injuriak egotzita. LAB sindikatuak elkarretaratzea egin du Bengoari elkartasuna adierazi eta bere aurkako kausa artxibatua izan dadin eskatzeko.
Jaurlaritzak 2012rako, beste murrizketen artean borondatezko aurre-jubilazioetako primak kentzea erabaki zuen krisi ekonomikoaren aitzakipean. Erabaki honen aurrean eta Gobernu kide izateagatik zuen informazio pribilegiatua baliatuz, Hezkuntza sailburuaren Kabineteko Buru Javier Nogalesek aurre-jubilazioa eskatu zuen laguntza hori jaso ahal izateko. LAB sindikatuak mobilizazioak egin zituen Nogales-n jokaera salatzeko.