Parte hartu duten 500 biltzarkideek ia aho batez, bozkatu duten biltzarkideen %88k hala erabakita, idazkari nagusi kargua berrituko Ainhoa Etxaidek. Bozketa berean idazkari nagusiarekin batera aukeratuak izan dira komite exekutiboa, nazio komitea eta eskualdeetako idazkariak, datozen bost urteetan sindikatuak hartutako erabakiak gidatzeko ardura izango dutenak.
LABen zuzendaritza berria
Datozen bost urteetarako sindikatuaren lan ildoak onartu ditu LABen VIII. Biltzar Nagusiak
Ainhoa Etxaide: Kudeaketa txostena
Jabi Garnika: «Antolakuntza ponentzia honen helburua ez da gure eredua aldatzea, gure egiturak interbentzioari begira kokatzea eta gaurkotzea baizik»
Garbiñe Aranburu: “Etorkizun politiko eta ekonomikorako erabakiorrak izango diren datozen urteetan LAB subjekto aktibo izan behar du”
EPPK: «Kolektiboko kide eta langileok inoiz baino indar gehiagorekin borrokan tinko jarraitzeko animatzen zaituztegu»
Rafaren hitzak El Duesoko espetxetik
Gazte independentistak: «Krisi honetan langileria eta bereziki gazteria eta emakumeak ezinbestean lehen lerroan borrokan aurkitu behar gara»
Euskal Herriak behar duen ziklo politiko berria behingoz irekitzea, aldaketa politiko eta soziala azkartzea —LAB zutabe sozial garrantzitsua izanik euskal langileriak behar duen prozesu soberanistan— eta sindikatua indartzen jarraitzea.
Langile borroka indartuz iritsi da LAB bere VIII. Biltzar Nagusira, klase interesak defendatzeko borroka eskaintza eginez langileei, eta iniziatiba sindikal indartsuei bide emanez. Azken urteetan eginiko aldarrikapenean berretsi da LAB gaur, alternatiba eredu berri bat eraikitzearen aldarrikapenean.
Euskal langileriak behar duen eraldaketa prozesua aurrera ateratzeko gaitasuna euskal sindikalgintzan dago, sindikalgintza abertzalean; hor kokatzen du LABek euskal langileriak behar duen eraldaketa prozesua aurrera ateratzeko ahalmena.
Aldaketak eragitea da LABen borrokaren funtsa, horretarako ezinbestekoa den mobilizazioa, aktibazioa, antolakuntza eta borroka suspertuz, aldaketa prozesuaren klabe nagusia dagoen tokitik, lantokietatik.