Beste mobilizazio egun bat gauzatzen ari da gaur Ipar Euskal Herrian, eta LAB sindikatua bertan da, Macronen Gobernuak erretreten harira inposatu nahi dituen neurriak salatzeko eta borroka desberdinei babesa emateko. Hain zuzen ere, “borroken maratoia” leloarekin ekin diogu gaurko protestari, Lapurdiko tren langileek deituta, grebalarien elkartasun kutxa hornitzeko helburuarekin. Eguerdian abiatu gara Hendaiako tren geltokitik, eta arratsaldean Baionako tren geltokira iristea dago aurreikusita. Ibilbidean, borroken arteko lekuko txandakatze bat irudikatuko da.