Pine enpresako langileek elkarretaratze bat egin dute gaur, La Naval ontziolaren aurrean, euren lanpostuen defentsan. Hain zuzen ere, Pineko langileek 24 orduko grebak egingo dituzte maiatzaren 12tik 19ra, eta elkarretaratzeak egingo dituzte egunero lantoki guztietan. Jakin berri dute Ingeteam taldeak Pine marka saldu duela, eta kezkatuta daude enpresaren etorkizunarekin, zalantza asko baitituzte eroslearekiko. Ingeteam enpresari konpromisoak eskatu dizkiote, bermeak izateko etorkizunik gabeko salerosketa bat suertatuz gero.
Pineko enpresa batzordeak grebara deitu zuen joan den ostiralean, eta langileek protestak egin zituzten euren ezinegona kaleratzeko. Mobilizazio gehiago egingo dituzte orain, euren lanpostuen defentsan.