Urtarrilaren 31an Basauriko 30 elkarte, eragile, sindikatu eta udaletxean ordezkaririk gabeko alderdi politikoen babesarekin etxe-kaleratzeen gaia modu parte-hartzaile batean eztabaida dadin eskatzen zuen mozioa aurkeztu zen. Bildu alderdiaren baiezkoarekin mozioa aurrera joan da, baina eragile eta sindikatuek ez dute sentsazio atsegina izan EAJ-PNV, PSOE eta PPren alderdikideen abstentzioak erakutsitako borondate faltaren aurrean.
LAN SINDIKALAREN KRIMINALIZAZIOAREN SALAKETA
«Pasa den ostegunean, urtarrilak 31, Basauriko eragile sozial eta sindikalek udaletxeko osoko bilkuran aurkeztutako etxe-kaleratzearen inguruko mozioa onartuta izan zen. Aldez aurretik, mozio honi 30 herriko elkarte, eragile, sindikatu eta udaletxean ordezkaririk gabeko alderdi politikok eman zioten babesa.
Osoko bilkuran, Bildu koalizioaren ordezkariek baino zioten eman baiezko botoa. EAJ-PNV, PSOE eta PPren alderdikideek, Andoni Busquets den alkateak barne, aldiz, abstentzio botoa eman zuten. Hau, nola ez, eztabaida mingarria izan ondoren.
Plataformaren partez, egoera honek ez digula oso sentzazio atsegina utzi luzatu nahi dizuegu. Mozioa aurrera doa kontrako botoa ez diolako inork eman, bai, baina herria ordezkatzen dutenen bolondres eta planteamendu urriak agerian geratu dira. Gure ustez basauriarrok pairatzen ditugun egoera larriei buruzko eztabaida parte-hartzailea eta jatorra sahiestu da, berriz ere. Honen ordez, alderdiek dauzkaten interesak sartu dira jokoan eta honek ez zuen arazoaren mamira sartzen lagundu. Honen ondorioz, bidegabekeria pairatzen ari diren eta benetan laguntza behar dutenen pertsonengandik urrun geratu zen eztabaida.
Eskualdeko hainbat herritan mozioan planteatzen ari ginen bezalako hainbat neurri aurrera eramaten ari dira, jada. Gure ustez, egoeraren ondorio zuzenak airintzeko benetako irtenbideak planteatzen ari ginen, eta aldi berean, beste kaleratze egoerarik berriz ere herrian ez emateko baliogarria zen. Ordezkari politikoek aurrera eramateko arduradunak dira, beraz, beraien mahai gainean ez direla ahaztuko espero dugu. Basauriko eragile sozial eta sindikalen partez, proposatutako eta onartutako guztia aurrera eramaten dezatela jarraituko dugu lanean eta gure esku dagoen guztia egingo dugu.
Azkenik, mozio hau defenditu, egiten lagundu, edota modu batez edo bestez honetan parte hartu duten Basauriko horritar guztiei zoriondu eta eskerrak eman nahi dizkiogu
BASAURIN, 2013KO OTSAILAREN 5EAN»
{module[111]}