2024-06-19
HomeZerbitzu PublikoakUdal eta Foru AdministrazioaEpaitegietara jo dugu Arabako Gizarte Ongizaterako Foru Erakundearen aurka, zerrenda subsidiarioen lanerako...

Epaitegietara jo dugu Arabako Gizarte Ongizaterako Foru Erakundearen aurka, zerrenda subsidiarioen lanerako eskubidearen alde


Bide hau erabiliz, maiatzaren 16an Gizarte Ongizateako Diputatuak argitaratutako agindu foralak bertan behera uztea eskatzen dugu. Foru agindu horietan, Arabako Gizarte Ongizaterako Foru Erakundean (GOFE) data hori baino lehenago lan egin ez dutenei aldi baterako lanerako Zerrendetan Subsidiarioetan parte hartzea oztopatzen zaie. Honen guztiaren berri gaur eman dugu, epaitegien atarian, salaketa jartzeko unean.

Hamar urte baino gehiago daramatzagu Enplegu Eskaintza Publikorik gabe eta Gerentziari eskatu genion, gutxienez, 22 lanpostutarako zerrenda subsiadiarioak zabaltzea. Hau egin zen, baina baldintza batekin, azken 5 urteotan gutxienez 10 egunetan GOFEn lan egin izana. Neurri hau, diskriminatzaileaz gain ilegala da, gure arautegian jartzen baitu titulua eta nahia duen pertsona orok sartzeko eskubidea duela.

Gu guztiz kontra egon arren, aurrera egin dute prozesuarekin eta eskandaluzkoa izan da lan egindako denboraren baldintza ez betetzeagatik kanpoan geratu den langile kopurua. Badaude onartutako hautagai bakarra, edo 2 edo 4 hautagai soilik dituzten zerrendak.

Aipatu deialdia komunikabideetan iragarriz egin zuten publiko eta esperantza handiak zabaldu zituzten pertsona askorentzat, baina aipatutako baldintza zehaztu gabe, onartutako pertsonen kopuru erridikulu hau ekarri duena.

Gainera, kanpoan utzitako hautagaiek aurkeztutako norbanako helegiteen aurrean eta Gerentziak erantzunik eman ez duenez, lan-poltsak ez daude indarrean, ondorioz, biderkatu egin dira hautagaiak lortzeko arazoak.

Aipatu diskriminazioaren kontra gaudela jakinarazi diogu Gerentziari izandako hainbat bileretan eta zuzenketa bat eskatu diogu Diputatuari formalki eta konponbideren bat bilatzeko gure jarrera berretsi. Horrela egin genuen maiatzaren 11 eta 25ean eta ekainaren 16an, inolako erantzunik jaso gabe. Era berean, berarekin eta Diputatu Nagusiarekin ekainaren 26an izandako bileran, berriro eskatu genuen agindu foraletako baldintza kentzea.

Modu paraleloan, mozioa eskatu zen Batzar Nagusietan guk eskatzen genuenaren termino berdinetan.

Erantzun gabeziaren aurrean, ekainaren 14an berraztertze-errekurtsoa sartu genien GOFEn 22 foru-aginduei. Honi, uztailaren 27an erantzun zioten gure eskaria gaitzetsiz.
Konbentzituta gaude ezin zaiola inori administrazio publikoan lan egiteko eskubidea mugitu eta negoziazio-bide oro agortu ondoren, aurrera jarraitzen dugu gure salaketarekin, oraingoan epaitekietan, 22 agindu foralak nulotzat jotzea eskatuz eta administrazioari berriro ere dei eginez ez dadin bere erabaki injustua tematu eta zerrendak zabaltzeko, eurek ere sinatu duten araudian zehaztutako baldintzetan.
 

 

 

AZKEN ALBISTEAK | ƚLTIMAS NOTICIAS

Aurrerapenak lortu ditugu Astigarragako etxez etxeko laguntzaren publifikazioan, lan baldintzen ekiparaziora hurbilduta

Lan-baldintzetan hainbat aurrerapen jasotzen dituen akordioa lortuta, sindikatuan ildo horretan lanean segiko dugu.

Cementos Rezolak Enplegu Erregulazioko Espediente bat martxan jarri nahi du AƱorgako lantokian, deskarbonizazioa aitzakiatzat hartuta

Gaur, ekainaren 18an, Cementos Rezola (Heilderberg Materials) enpresako zuzendaritzak bilera deitu du 56 langileri eragingo dien EEErako mahaia osatzeko, AƱorgako planta deskarbonizatzeko aitzakiapean.
00:02:18

Salatzen dugu Hezkuntza Sailak bertan behera utzi dituela martxan zeuden negoziazio mahaiak eta ez duela Akordio Laborala bete

Orain urtebteko ekainaren 1an LABek Akordio Laborala sinatu zuen INTERINOK sindikatuarekin eta Hezkuntza Sailarekin, bi aldeek akordioan jasotako edukiak mahai negoziatzaileetan depositatu eta garatu behar zirelarik.