2024-05-21
HomeZerbitzu PublikoakEnplegu PublikoaEnplegu Publikoaren Legearen aurreproiektua erretiratzea exijitzen du LAB sindikatuak

Enplegu Publikoaren Legearen aurreproiektua erretiratzea exijitzen du LAB sindikatuak

Gaur euskal funtzio publikoaren kontseiluan Enplegu Publikoaren Legearen aurreproiektuaren gaineko irizpena bozkatu da, eta horren kontrako bozka eman dugu LAB, ELA eta CCOO sindikatuok (UGT abstentzioaren aldeko hautua egin du) eta Gipuzkoako nahiz Bizkaiko Foru Aldundiek. LABek Enplegu Publikoaren aurreproiektua berehala erretiratze exijitzen diogu Eusko Jaurlaritzari.
Horretarako legeak esaten duen hitzez hitzekotasuna eta esaten ez duena kontuan hartu dugu:

Estatuaren funtzio publikoaren legea garatu dute, besterik ez. Lehenik eta behin, ez dute ezertan kontuan hartu ezta gure errealitate sozioekonomikoa ezta Euskal Herriko indar koerlazioa, ez politikoa ezta sindikatuen artekoa ere. Bigarrenik, lege honen inspirazioa ondokoa da: ongizate-estatuarekin amaitzea, inposaketa eta murrizketen bidez. Politika horiek administrazio eta zerbitzu publikoetako enplegatu publikoen lan baldintzak kaxkartuko dituzte.

Zerbitzu publikoak suntsitzen ari dira, zerbitzu horiek pribatizatuz gutxi batzuk negozioa egin dezaten. Negoziazio kolektiboa hutsaren hurrengoa bihurtu dute, eta lan-harremanen eredua aldebakartasunez inposatzen digute.

Legearen inspirazioa politika neoliberala da, eta politika horrek ekarri ditu herritarrok pairatzen ari garen murrizketak eta estatutik zein Gasteizko zein Iruñeako gobernuek ezarri nahi dizkiguten enplegatu publikoon lan-baldintzen kaxkartzea. Zerbitzu publikoak nahita suntsitzen ari dira, geroxeago zerbitzuok pribatizatuz gutxi batzuek negozioa egin dezaten. Bide batez, lege-proiektuak ahalbideratuko du lan-baldintzak administrazioak aldebakarrez zehaztu ahal izatea.

Orain PSE, PNV eta PPk esaten dutenean euskal esparruan ezin dela injerentziarik onartu, argi dago horretarako bide bakarra dela enplegu publikoa eta euskal administrazioak antolatzeko eskumenk Euskal Herrian izatea; Euskal Herriko erakundeek, eragile sozialek eta langileon ordezkariok gaitasuna izan behar dugu enplegu publikoa, funtzio publikoa eta zerbitzuen prestazioa arautu ahal izateko.

Hauteskunde kanpainia luze honetan, batzuek PPren neurriei aurre egin behar dietela esaten badute ere, zera erantzun behar diegu: ken ditzatela beraiek aplikatzen ari diren murrizketak eta 2011 aurrekontuetan jaso dituzten zerbitzu publikoen eta gure lan-baldintzen aurkako neurriak.

LAB sindikatuaren aburuz Gobernu honek ez dauka inolako zilegitasunik izaera honetako proiektua aurkezteko, arauak ez baitie erantzuten zerbitzu publikoak garatzeko benetako arazoei. Enplegu publikoaren legearen proiektua pauso berri bat da sektore publikoaren ereispenari begira, eta Euskal Herriaren aurka Madrilen hartzen ari diren erabakiak indarrean jarri ahal izateko.

LAB sindikatuak deia luzatu nahi dio enplegatu publiko orori eraso berri hau ezerezean uzteko borrokaren bidez, eta alderdi politikoei halako erasorik bete ez dadin jardun dezaten eskatzen diegu.

Euskal Herrian, 212ko apirilaren 26an

AZKEN ALBISTEAK | ÚLTIMAS NOTICIAS

Bizkaiko kiroldegi eta kirol zelaietako hitzarmena sinatzea #LortuDugu

35 orduko lanaldiaren aldarrikapen historikoa eskuratu ahal izan dugu.

Europar hauteskundeen atarian mobilizazioei berrekingo diegu Bizkaiko Correosen

Bi asteko etenaldiak eta gero, maiatzaren 16an, enpresak Bizkaiko Correos posta zerbitzuko sindikatu guztiei bilera batera deitu gintuen, mobilizaioei buruz hitzegiteko. Hauteskundeetarako kontratazioa askoz mugatuagoa izango dela helarazi zigun (EAEko hauteskundeetarako zegoen dirua, oraingoan estatuko ipar-zonaldeko beste hamar probintziekin elkarbanatuko da, hau da, minimoetan egongo gara). Eta udari begira, egoera berdinean egongo gara. Ez dituzte beteko oporretan dagoen lankideen lanpostu asko, beste langileen gain utzita lan guztia (errekargo gehiagorekin).
00:06:54

Langileen prekaritatea oinarri duen egoera sozioekonomikoa finkatzen ari da

Bizi baldintzen okertze estrukturala esparru ezberdinetan gauzatzen ari da, Ipar Hegoa fundazioak Ikusmiran argitalpenaren 18. alean jasotako datuek erakusten dutenez.