BM-ek Amurrio eta Laudioko langileen eskubideak murriztu nahi ditu
Duela bi urte, BM-ek Gasteizeko eta Arabako denda guztiekin akordio berria negoziatu eta sinatu zuen, Aiaraldeko (Amurrio eta Laudio) dendak alde batera utzi zituelarik. Ordutik eta bereziki azkenengo urte osoan zehar, enpresako ordezkariek BM Aiarako komiteri eta langileei akordio berria negoziatuko zela eta eskubiderik galduko ez zutela esan eta konprometitu ziren.
Negoziatzeko garaia heldu denean, enpresak lehenengo negoziaketa hainbatetan atzeratu du eta azkenean benetako negoziaketari uko egin dio. Zuzendaritzak unilateralki nahi dituen baldintzak inposatzen saiatzen ari da langileei. Gaineratu behar da, BM Lan Harremanetarako Kontseiluan (LHK) bideratutako eta proposatutako kontziliazioari eta mediazioari uko egin diola Irailean.
Langileak akordioa gabe usteaz gain, langileei eta langileen ordezkariei gezurretan ibili dela argi esan dezakegu. Hainbat bilera, akta eta elkarrizketetan, enpresako ordezkariek akordio berri bat negoziatu eta akordatuko zela esan zuten eta konprometitu ziren, eta ez hori soilik langileek ez zutela eskubiderik ezta erosteko ahalmenik galduko hainbatetan ere aipatu zuten.
Baina egoeri muzin eginez, enpresa bere baldintzak inposatzen ari da eta edozein negoziazio eta akordio mota ukatzen du. Gaur egun, Amurrioko eta Laudioko BMko dendak dira egoera tamalgarri honetan dauden bakarrak.
Honetaz gain, eguneroko lan-baldintzei eta lan kargei dagokienez, egoera prekarioa hobetu beharrean enpresa ez da plantilla indartzen ari, langileak ez dira ordezkatzen eta horietako batzuei ez zaie kontratua berritzen ari, are gehiago egoera guztiaren ondorioz langile batzuek enpresa ustea erabakitzen ari dira.
Hau gutxi ez balitz, azken hilabeteetan hainbat langileek eta langileen ordezkariek, presioa eta xantaia pairatu behar izan dute, bai dendetan zein enpresak langileentzat antolatutako jardunaldi batzuetan.
LAB ez dago inposizio horien aurrean isilik geratzeko prest. Langileen eskubideak eta baldintza duinak defendatzea legitimoa da. Horregatik, udan zehar hainbat ekintza sindikal egin dira, eta egoera ez dela aldatu edo hobetu ikusita, gaur, urriak 29, 3 orduko lanuztea egin dugu Amurrioko eta Laudioko dendetan, eta BMk Bilbon dituen bulegoen aurrean mobilizatu gara.