2024-04-16
HomeZerbitzu PublikoakOsasungintzaBizkaian “ESI” antolakuntza sistemaren ezartzean Osakidetzak darabilen gardentasun falta salatu du LABek

Bizkaian “ESI” antolakuntza sistemaren ezartzean Osakidetzak darabilen gardentasun falta salatu du LABek

LABen ustez Bizkaian “ESI” antolakuntza sistemaren ezartzeak sistema sanitarioa “argaltzeko”, langile kopurua gutxitzeko eta pribatizazioak errazteko bide bat baino ez da eta aldaketa hauek eskaintzan diren osasun zerbitzuetan zein langileen lan baldintzetan ondorio inportanteak dakartzatela salatu du. 
LABen ustez Bizkaian “ESI” antolakuntza sistemaren ezartzeak sistema sanitarioa “argaltzeko”, langile kopurua gutxitzeko eta pribatizazioak errazteko bide bat baino ez da eta aldaketa hauek eskaintzan diren osasun zerbitzuetan zein langileen lan baldintzetan ondorio inportanteak dakartzatela salatu du.

Osakidetzak bere estrukturak berrantolatzeko asmotan aurrera darrai, oraingo honetan Bizkaian ESIak (Erakunde Sanitario Integratu) ezartzen, zeinetan Lehen Arreta eta Espezializatua uztartuko diren. Gipuzkoa martxan daude aspaldi eta, honekin batera, beste hainbat aldaketa: laborategien bateratzea, Arabako HUA, Bizkaiko Osasun Mentaleko Sarea… Osakidetzako zuzendaritzak ez omen dauka ezer ukitu gabe uzteko asmorik, eta, betiko moduan, LANGILEON ORDEZKARIOI BIZKAR EMANDA, GARDENTASUNIK GABE, INPROBISAZIO HUTSEAN ETA BETIKO MODU TXAPUZEROAN egiten ari dira. LABen ustez, hau sistema sanitarioa “argaltzeko”, langile kopurua gutxitzeko eta pribatizazioak errazteko bide bat baino ez da.

Bizkaian, urtarrilaren 30etik aurrera hiru ESI omen daude: BILBO-BASURTU ESI (Bilbo eskualdea eta Basurtuko ospitalea); BARRUALDE-GALDAKAO ESI (Barrualdeko eskualdea eta Usansoloko Ospitalea); eta SESTAO-BARAKALDO ESI (Barakaldo eta Sestaoko osasun zentroak eta San Eloy).

Aldaketa hauek guztiek ESKAINTZEN DIREN OSASUN ZERBITZUETAN ZEIN LANGILEON LAN-BALDINTZETAN ONDORIO INPORTANTEAK DAKARTZATE. Baina, hala ere, ordezkari sindikalok ez dugu jaso fundamentuzko informaziorik honen guztiaren gainean.

LABek behin eta berriro exijitu dizkio erantzun garbiak Osakidetzari, baina entzungor jarraitzen dute, bai erantzuna ez dakitelako, bai ederki dakitelako eta ez digutelako kontatu nahi. Batean zein bestean, onartu ezin den PNVko balizko “kudeatzaile onen” arduragabekeria larria da.
 

 

 

AZKEN ALBISTEAK | ÚLTIMAS NOTICIAS

Ernaik gazte blokea osatuko du Maiatzaren Leheneko Iruñeko manifestazioan

Ernai gazte antolakundeak gazteentzat bizi baldintza duinak aldarrikatuko ditu Maiatzaren Lehenean, eta bat egingo du LABek deitu duen mobilizazio nazionalarekin. 11:00etan Trinitarios plazatik abiatuko den gazte blokean parte hartzera dei egin diete gazteei. Gazteen mobilizazioak Sarasate pasealekuan egingo du bat LABen manifestazioarekin.

Envases Metalurgicos de Álava enpresan bi langile kaleratu dituzte azken 6 hilabeteetan

Pasa den martxoaren 27an egin zuen Laudioko enpresak azken kaleratzea.

Kontzentrazioa Bizkaiko Grafikagintza sektoreko patronalaren aurrean

Apirilaren 29an eta 30ean eta maiatzaren 22an eta 23an greba deitu dugun LAB-ELA-CCOO-UGT sindikatuok CEBEKi eskatu diogu datorren osteguneko bileran sindikatuen plataforma bateratuari erantzun positiboa emateko.