2024-05-23
HomeIrakaskuntzaGizarte ekimeneko ikastetxeakLABek hasieratik arduraz jokatu du Gizarte Ekimeneko ikastetxeen gatazkan

LABek hasieratik arduraz jokatu du Gizarte Ekimeneko ikastetxeen gatazkan

Gaur ELA, CCOO, STEE-EILAS eta UGT sindikatuek Gizarte ekimeneko ikastetxeetan dagoen gatazkaren inguruko beraien ikuspuntua eman eta eurek egindako proposamena azaltzen dute mobilizazioak iragarriz. LABi buruz esandakoen aurrean, honakoa adierazi nahi du sindikatuak.

LAB sindikatuak hasieratik arduraz jokatu du eta gatazka honetatik ateratzeko helburuak argi izan ditu:

• EAEko Lan hitzarmena berehala aplikatzea, estatukoa alde batera utziz eta 2009ko taulak erreferentziazkoak izanik
• Lanpostu guztiak mantenduko direla bermatu; hau da, kaleratzerik ez egotea eta langile guztientzako akordioa izatea.
• Zorraren kitapenerako akordioa lortu eta ordainketa negoziatu.
• Ikastetxeen kudeaketarako eta parte-hartzerako mekanismoak adostu.
• Eusko Jaurlaritzari interpelazioa egitea egoera hau berriro gerta ez dadin, Hezkuntza Lege berri baten bidez, finantziazio publiko egokia izateko.

LAB Sindikatuak Kristau Eskolari ausardia izatea eta 2009ko Lan hitzarmena berehala aplikatzea langile guztiei eskatzen dio, hori baita gatazka honetatik aterako gaituen lehenengo urratsa.

Izan ere, gainontzeko sindikatuei, planteamendu ekonomizista hutsetik ateratzea eta proposamen integralaren alde egitea eskatzen diegu, non lanpostuak bermatuko baitugun, ikastetxeak gardenagoak eta parte-hartzaileak bihurtuko baititugun eta Eusko Jaurlaritzari exijituko baitiogun pairatzen ari garen egoera berriro gerta ez dadin.

Hori dela eta, Kristau Eskola eta beste sindikatuak animatzen ditugu planteamendu ekonomizistatik harago joan eta akordio integralaren alde egitea. Ikastoletan posiblea izan bada, hemen zergatik ez?
 

 

 

AZKEN ALBISTEAK | ÚLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu Iruñean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek Iruñeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.