2024-04-18
HomeZerbitzu PublikoakGarraioaBilbobus kudeatzen ari den enpresa egoera gaiztotzen ari dela salatu dute

Bilbobus kudeatzen ari den enpresa egoera gaiztotzen ari dela salatu dute

Bilbobusen kudeaketarako Bilboko Udalak azpikontratatutako enpresak, deitutako lanuzte egunek aurrera egiten duten bitartean eta Santo Tomas egunerako deitutako grebarako aste bi baino gutxiago falta direnean, idatzia erregistratu du Eusko Jaurlaritzak greba deialdian formazko akatsa alegatzen ahaleginduz. Bilbobuseko enpresa batzordearen arabera, ziurrenik, langileak beldurtzea da bere asmoa, legez kanpoko greba batean parte hartzen ari direnaren beldurrarekin.

Honen aurrean, Bilbobuseko enpresa-batzordeak langileei zein jendarteari jakinarazi nahi die greba-deialdiak forma aldetiko baldintza guztiak betetzen dituela. Hortaz, kontua korapilatzea baino ez du bilatzen enpresak, jendartea eta langileak nahasten saiatuz. "Lortuko duten bakarra langileak gehiago berotzea da, honezkero nekatuak daudenak enpresaren jardueraren aurrean", adiuerazi du enpresa batzordeak.

"Mezu argia bidali nahi diogu Udalari, hau baldin bada enpresak gatazka konpontzeko bilatzeko modua, arazoa larritu eta langileak are gehiago haserratzea da lortuko duten bakarra.
Udalak gatazka enkistatzea nahi ez badu dei egin beharko lioke Bilbobus kudeatzen duen enpresari langileokin akordio bat lortzera eta ez dadila hasi deitutako lanuzte eta grebak kriminalizatzen ahalegintzen. Gatazka luzatzea baino ez du lortuko horrela", erantsi dute langileen ordezkariek.

 

 

 

AZKEN ALBISTEAK | ÚLTIMAS NOTICIAS

Haurreskoletan lan baldintzak hobetuko dituen akordioa sinatu dugu

Akordioa indarrean dago jada, eta ekoizpenagatik kontratuen luzapena, lanpostuen zerrenda handitzeko prozedura eta adinagatiko murrizketaren garapena dakartza berekin.

Salatu dugu 2023an billabesetan eginiko aparteko orduek 16 lanpostu ezabatu zituztela

LABek Iruñerriko hiri garraioan duen atal sindikalak —herritarrek ‘billabesak’ deitzen dituztenak eta egun TCC enpresak kudeatzen duena— ohar batean azaltdu eta salatu du 2023an eginiko aparteko eta osagarrizko orduen batura 27.608 ordukoa izan zela; kopuru eskandalagarria guztiz, lanaldi osoko 16 lanpostu ezabatzen baititu, eta hori lanaren bidezko banaketaren aurkakoa da erabat.
00:02:29

Amazon eta Alpha North Logistics enpresekin borrokan

Amazon enpresak Trapagaranen duen lan zentroan dauden langileek beste greba ziklo bat hasi dute lan-baldintzak duintzeko. Urtebetetik gora daramate enpresarekin prekarietate gordinetik ateratzeko Hitzarmena negoziatu nahian. Baina multinazionalak jarrera entzungorra izaten jarraitzen du eta negoziazio mahaia hasieratik blokeatu du. Aldarrikapenen artean, Amazonek bere salgaien garraiorako dauzkan enpresa azpikontratatutakoen langileen lan-baldintzak egonkortzea eta enplegua bermatzea dago.