2024-03-02
HomeZerbitzu PublikoakOsasungintzaBeharrezkotzat jotzen dugu Osakidetzako EPEari buruzko ikerketa batzordea martxan jartzea

Beharrezkotzat jotzen dugu Osakidetzako EPEari buruzko ikerketa batzordea martxan jartzea

Bihar bozkatuko da Eusko Legebiltzarrean EH Bildu talde parlamentarioak proposatutako ikerketa batzordea, Osakidetzako EPEan gertaturiko filtrazioak eta irregulartasunak argitzeko helburua duena. Zentzu honetan, LABek Ikerketa Batzorde honi guztiz beharrezko deritzo eskandalagarria den egoera argitu nahi badugu. Izan ere, gaur egun, gure lehenengo salaketak egin genituenetik 6 hilabete igaro diren honetan, Osakidetzak oraindik ez du eman sinesgarri den inongo azalpenik.

Sinetsita gaude Legebiltzarreko ikerketa batzorde hau administrazio publikoetan sartzeko prozesuetan gardentasun eta demokrazia handiagoa lortzeko urrats garrantzitsua izan daitekeela, ez soilik Osakidetzan, baita gainontzeko administrazioetan ere.

Osasun Saila eta Osakidetzak bera, Darpon kontseilari buru dutela, salatzen ari garen praktika ustel eta mafiosoak (batez ere fakultatibo espezialisten kategorietan, baina ez soilik) behin betiko desagerrarazteko ikerketa eta neurri ausartak hartu beharrean, eskandalua estaltzeko ahaleginean tematu dira. Jarrera ausarta hori da, hain zuzen ere, behin eta berriro eskatu dioguna Osakidetzako Zuzendaritzari. Eta jaso dugun erantzun partzial eta sinesgaitzaren aurrean, fiskaltzara eta epaitegietara jotzea erabaki behar izan genuen. Honen harira, ikerketa batzordeak fiskaltzaren lana erraz lezakeelakoan gaude.

Espediente batzuk, hainbat azterketaren errepikapena eta Osakidetzako Zuzendari Nagusiaren dimisioa ez dira nahikoa filtrazioen arazoa konpontzeko. Beharrezkoa da EPE eredua eta Osakidetzako langileen kudeaketa errotik aldatzea, baina beti ere gertatu denetik eta erantzukizun guztiak garbitzetik abiaturik. Sistema berria aurreko oinarri ustelen gainetik eraikitzeak ezin du onik ekarri. Lehenengo eta behin egoera argitu eta garbitu behar da, eta gero, EPE eredua berria negoziatu.

Izan ere, Osasun Sailak Jimenez Asensiori enkargatu zion ikerketan azaltzen diren proposamenek, izan lezaketen alde positiboaz haratago, ezin dute etorkizun gardenik bermatu, gertatu diren filtrazioak eta existitzen den ustelkeria ez dutelako aipatzen, ezta abiapuntu gisa hartzen. Egoera erreal honetatik abiatuko behar lirateke, eta datozen EPE prozesuetan halakorik ez errepikatzeko helburu hartu.

Ikerketa Batzordea guztiz beharrezkoa da. Alde ez agertzeak gardentasunaren kontra jotzea eta administrazio publikoetako ustelkeria eta inpunitatearen babesle bihurtzea dakar.
 

 

 

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.