ANAPEN, ANAPP, LAB Pentsiodunak, Lacarra, Pentsionistak Martxan eta Sasoia elkarteek pentsio duinen aldeko Iruñeko manifestaziora deitu dute,a benduaren 15erako. Agerraldia egin dute mobilizazioa iragartzeko. Hain zuzen ere, abenduaren 15ean, Hego Euskal Herriko hainbat herritan egingo dituzte protestak pentsionistek, hiriburuetan, kasu: Iruñean (17:00, Gaztelu plaza); Bilbon (17:00, Jesusen Bihotza); Gasteizen (18:00, Artium); eta Donostian (16:30, Alderdi Eder).

Hauxe da Iruñean egindako agerraldian egin duten irakurketa:

Aurrekontuen garaietan gaude. Bai Madrilgo Parlamentuan zein Nafarroakoan eztabaida gai dira, eta diru publikoa zertan inbertitu zehaztuko dute.

Idazki hau sinatzen dugun erretirodun pertsonen elkarteok aurrekontuen aurrean dugun jarrera plazaratu nahi dugu.

Herren jaiotzen diren aurrekontuak direla egiaztatzen dugu, ez baitago iruzurra ekiditen duen eta dirua dagoen tokietatik ateratzen duen zerga sistema justurik.

Dirua zertarako den erabakitzeko unean, beharrak mailakatu behar dira, lehentasunak zehaztu behar dira, pobrezian nekez bizi diren milaka pertsona eta etxe kontuan hartu behar dira, eta horiek izan behar dute lehentasuna osasungintzan, menpekotasunean, hezkuntzan…

Argi dugu lehendabiziko eztabaidak, edozein Gobernutan; pertsona oro duintasunez bizitzea bermatzea izan behar zuela helburu; zorra kentzea, ondasuna pilatzen duetenekiko begirunea eta alderdi politikoen interesak alde batera utzita; beste edozein gastuaren gainetik, hain zuzen ere. Helburu honi begira osatu beharko lirateke aurrekontuak.

Gure ikuspuntutik, erretirodun pertsonak garenez gero, honako puntu hauek nabarmendu nahi ditugu:

– Jakin, badakigu milaka direla huskeriaren hurrengoan diren pentsioaz bizi diren erretirodun pertsonak, are gehiago emakumeen kasuan, zeinei ez zaie aitortu etxean eta zaintzan
egindako lanak eta kotizatu dutenen kasu askotan, baldintza txarragoetan egin dute. Horientzat guztientzat, pentsiodun pertsona guztientzat Europako Gutun Sozialak egiten dituen aholkuak aplikatzea ezinbestekoa da. Arestian aipaturiko Gutunak oinarrizko pentsioa 1.080 euro izatea hitzartu zuen. Hori lortzearen bidean, egun, aurrerapentzat jotzen dugu denok 900 euroko oinarrizko pentsioa bermatuta izatea, GSI bezala jarri nahi den kopuru bera.

– Hori dela eta, Pentsio Publiko Duinak bermatzen duen Pentsio Sistema Publikoaren aldeko defentsan egiten dugu.

– Pentsio Plan Pribatuen aldeko edozein laguntzaren aurka agertzen gara, uste baitugu horrek marjinazio handiagoa ekarriko diela plan horiek ordaindu ezin izanen duten guztiei.

0 KPIren birbalorazioa automatikoki aplikatzea exijitzen dugu, baita neurri hau era batean edo bestean blindatuta egon dadin legez batez ere.

– Jasangarritasun faktorearekin erabat aurka gaude, gure pentsioen etorkizuna are gehiago mehatxatzen du, gure adinenpean jartzen ditu eta.

– Azken Lan eta Pentsio Erreformak bertan behera uztea eskatzen dugu.

– Aldarrikapen hauek azaltzerakoan, datozen belaunaldietan ere pentsatzen dugu, zeren eta, agintarien asmoak indarrean jartzen badira, gehienek erretiro zaila izanen dute.

Honegatik guztiarengatik, hemen gaude eta jarraituko dugu dagokigunak lortu arte.