2024-06-18
HomeEkintza SozialaHelduak eta PentsiodunakBat egiten dugu pentsionisten mugimenduak maiatzaren 11rako deitutako mobilizazioekin

Bat egiten dugu pentsionisten mugimenduak maiatzaren 11rako deitutako mobilizazioekin

LABek maiatzaren 11n Hego Euskal Herriko pentsiodunen mugimenduak deituriko manifestazioekin bat egiten du eta bertan parte hartzeko deia luzatzen dio bere afiliazio eta militantzia guztiari. LABen batzorde exekutiboak ordezkaritza bana izango du Bilbo, Donostia, Gasteiz eta Iruñeko mobilizazioetan.

LAB presente egongo da Hego Euskal Herriko pentsionisten mugimenduak larunbat honetan, maiatzaren 11an, hiriburuetan deitutako mobilizazioekin. Testuinguru politiko honetan, inoiz baino garrantzitsuagoa da arreta pentsiodunen eskubideen defentsan jartzea eta instituzioek pentsio publiko duinak bermatzeko pausuak ematea. Dagoeneko 69 astelehen dira udaletxeen aurreko kontzentrazioak hasi zirenetik. Hego Euskal Herriko pentsionisten mugimendua giltzarria da urte luzeetako borrokaren ondoren eskuratutako eskubideen defentsan, baina ez hori bakarrik, eztabaida politikoa Euskal Herriak behar duen aldaketa sozialaren parametroetan kokatzeko jarraitu beharreko bidea ere erakusten digu.

1.080 eurotako gutxieneko pentsioa, lan zein pentsio erreformen derogazioa, pentsioen berbalorizazioa eta Babes Sozialerako Sistema Propioaren eraikuntza ezinbestekoak dira pentsionisten eskubideak bermatzeko. Pentsionisten mugimenduak zerbait erakutsi badu, aldaketa politikoak kalean lortzen direla da; aurretik aipaturiko aldarrikapen horiek ere borrokaren bitartez lortuko dira eta zentzu horretan, LAB bidelagun izango dute.

Maiatzaren 11n, pentsionista eta langileok kaleak hartuko ditugu.
 

 

 

AZKEN ALBISTEAK | ÚLTIMAS NOTICIAS

Nafarroako etxebizitzen alokairuari buruzko datuek erakusten dute premiazkoa dela gaia legez arautzea eta parke publikoa zabaltzeko konpromiso handiagoa hartzea

Iragan ortziralean Nafarroako Estatistika Institutuak Etxebizitza alokatzeari buruzko estatistika argitaratu zuen. LAB sindikatuaren iritziz, ikerketa horrek berresten du merkatuak ez duela alokairuaren prezioa behar bezala erregulatzen eta premiazkoa dela lege eta administrazio neurriak hartzea. Azterlan horren arabera, alokairuaren hileko batez bertzeko prezioa 541,6 eurokoa da, baina azterketak berak onartzen du datu horrek ez duela islatzen alokairuko etxebizitza bat eskuratzeko prezio erreala, etxebizitza librearen prezioa askoz ere garestiagoa baita.

Gernikako Ospitalean erizainen eta erizaintzako laguntzaileak falta direla eta egoera kritikoa dela salatu dugu

Larrialdietako paziente kritikoei arreta ematean, triajean eta boxetan dauden pazienteen segurtasuna arriskuan jartzen da.

Eskola garraioaren hitzarmena desblokea dezatela exijitzeko mobilizazioa egin dugu

Kolektibitateen sektoreko patronalaren enpresetako bat den Eulenen aurrean izan da elkarretaratzea, Eusko Jaurlaritzako Hezkuntza Sailaren mendeko ikastetxeetako eskola-garraioko eta jolastokiko zaintzaileen hitzarmen kolektiboaren negoziazioaren blokeoa salatzeko.