2024-07-21
HomeZerbitzu PribatuakMerkataritzaArabako ehun merkataritzan sinatutako aurreakordioak ez dio lan erreformari aurre egiten

Arabako ehun merkataritzan sinatutako aurreakordioak ez dio lan erreformari aurre egiten

Atzo, ELA (sektorean ordezkaritzaren gehiengoa duena), CCOO eta UGT sindikatuek aurreakordioa sinatu zuten Arabako Ehun Merkataritzako sektorean. Bertan jasotako edukiak LABentzat guztiz onartezinak dira, lan erreformak sektoreko langileei ekarri dizkien ondorio larriei aurre egiten ez dielako.

Zehazki, lehen aipatutako sindikatuek hau adostu dute:
• urte beteko ultraktibitatea (lan erreformak arautzen duena)
• lan erreformaren aplikazioarekin, enpresak hitzarmenean jasotako edukiak ez aplikatzeko dituzten aukerak bertan behera utziko lukeen mekanismorik ez du jasotzen.
• 2014rako KPIari loturarik ez duen soldata igoera adostu dute, eta 2013rako izozketa.

Argi dugu hau dela CCOO eta UGTk, bizitzen ari garen koiunturan, hartu duten bidea, borrokari muzin egitea eta mahai negoziatzaileetan aurkezten dietena sinatzea. Baina harrituta gaude ELAren jarrerarekin, Arabako ehun merkataritzan sinatutako edukiak baino hobeak dituzten patronalaren proposamenei ezetza ematen ari baitzaio beste sektore batzutan, mahaiak blokeatuz, eta agian mahaiak desblokeatzera eramango luketen eta aurreakordio horretan baino eduki hobeak dituzten sindikatuen proposamenekin ez baitator bat.

LABek honako helburua du, negoziazio mahaietan, lan erreformaren ondoriei aurre egitea, batez ere, ultraktibitatea eta hitzarmenetan jasotakoa ez betetzearen aukerak bertan behera uztea, eta patronalari aurre egitea, KPIarekin harreman galtzearen bitartez eros ahalmena erasotzen duenean.

ELA, errefomari eta patronalari aurre egitea aldarritzen duen sindikatuak, hitzarmen honetan agerian utzi du, ondo datorkionenan, estatu mailako sindikatuek erabiltzen dituzten politika berdinak defendatzen dituela, hau da, patronalaren aginduei men egitea.

 

 

 

AZKEN ALBISTEAK | √öLTIMAS NOTICIAS

PIMESA enpresan akordioa #LortuDugu

LABen oso positiboki baloratzen dugu akordioa, langileen ekimen mobilizatzaileari esker lortu dena.

Gipuzkoako Metalaren merkataritzaren sektorean aurreakordioa erdietsi dute 

Duela urtebete hasi ziren sektoreko gure ordezkariak hitzarmena berritzeko asmo handiko proposamen bat garatzen, bi helburu nagusiekin: Gehiengoa duen sindikatua bultzatu negoziazio mahaia deitu zezan eta patronalak negoziatzera eser zitezen derrigortu.

Arabako egoitzetan premiazkoa da hitzarmen duina

Greba eguna da gaurkoan sektorean, eta goizean kalejira egin dugu Gasteizen, patronalari mugiarazteko exijitzeko eta aldundiak ere esku har dezan eskatzeko. Arratsaldean, 18:00etan, beste hitzordu bat daukagu, Desamparadas plazatik abiatuta.