2024-02-28
HomeUncategorizedLABek Nafarroako 12 enpresetan irabazi ditu hauteskundeak azken 15 egunetan

LABek Nafarroako 12 enpresetan irabazi ditu hauteskundeak azken 15 egunetan

Lau Enpresa Komitetan irabazi, beste batean igo eta McDonald’s-ekoan sartzea lortu du. LAB maximo historikoetan dago Nafarroan, eta UGT gainditu du Hego Euskal Herria kontutan hartuz.

Azken hamabostaldian, LABek hainbat emaitza arrakastatsu lortu ditu hauteskunde sindikaletan:

Nuevo Futuro-n LAB lehen aldiz aurkeztu eta 3 ordezkari lortu ditu, CCOOek 2 lortzen zituen bitartean (lehen 3 CCOO, 2 ELA)

Dindaia-n, LABek jokoan zeuden 5 ordezkariak eskuratu ditu berriro ere. 

Gorvi-n LABek 4 ordezkari lortu ditu eta UGTk 1 (Komitea 9tik 5era jaitsi da langile kopurua murrizterakoan; aurreko ordezkaritza: LAB 5, UGT 4). 

Graftech-en ere (lehengo Ucar, Ororbia) LABek hauteskundeak irabazi ditu (3 LAB, 3 CCOO, 2 independente, 1 UGT)

Irurtzungo Sappa-n, LAB tailerrean bozka gehien jaso dituen sindikatua da, 2 ordezkaritik 3ra igoz (4 CCOO, 2 UGT)

Bestalde, LABek ordezkaritza lortu du aurreneko aldiz La Moreako McDonald’s-en (LAB 1, UGT 4), enpresak hori eragoztearren amarru guztiak erabili arren. Enpresak UGT bultzatu du bide guztietatik, besteak beste bi langileri enkargatu izendatuko zituztela aginduz UGTren zerrendetan joaten baziren. 

LABek hauteskundeak irabazi ditu, halaber, beste hainbat enpresa txikitan: Feroser (1 LAB), Xorroxin Irratia (1 LAB), Piensos Artoa (1 LAB); Autoareta (1 LAB), Ledr (2 LAB, 1 Solidari); Avanvida Zizur (1 LAB), Agropecuaria S.M. Aralar (1 LAB)

Emaitza hauek LABen igoera indartu egiten dute. Une hauetan, LAB maximo historikoetan dago Nafarroan: 831 ordezkari, ordezkaritza sindikalaren %13,28 (apirilaren 30eko datu ofizialak). Hego Euskal Herriko lau herrialdeak aintzat hartuz, LABek %16,91ko ordezkaritza lortu du, UGT gaindituz (lehen 3. eta orain 4. sindikatua, %16,25arekin) eta CCOOekiko tartea murriztuz (2. sindikatua, %20,91rekin).
 

 

 

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.