2024-05-20
HomeZerbitzu PublikoakZerbitzu SoziokomunitarioaAdinduen egoitzetan atentzioaren eta langileen osasuna kolokan dagoela salatu du LABek

Adinduen egoitzetan atentzioaren eta langileen osasuna kolokan dagoela salatu du LABek

LAB sindikatuak parodia bidez Gasteizen adinduen egoitzetan ematen diren lan eta bizi baldintzen okertzea salatu zuen pasadan ostegunean. Umorea erabiliz indarrean dagoen ratioen dekretua aldatzea exijitu zen, Europako bataz beste dagoen ratioen mailara homologatzeko.

EAEn, Eusko Jaurlaritzak dauka egoitza hauetan bete beharreko ratioak finkatzeko ardura. Eta egin egin zuen, 1998an argitaratu zuen dekretu baten bidez. Baina ratio horiek oso bajuak dira (toki askotan 100 lagun artatzeko 50 langileen plantilla dago, bertan egin behar diren lan guztiak eta bete behar diren eguneko 24 orduan kontuan harturik). Eta gainera, gaur egun egoitzetan dagoen egoiliarren izaera ere asko aldatu da: gero eta dependentzia handiagoak.

Egoera honek lan baldintzak okertzea ekarri du: estresa, lesioak, lanaldi partzial asko, pertsonak duintasunez artatzeko aukerarik ezak sortzen duen ezintasuna… Egoiliarrengan ere, nola ez, eragina du, bizitzeko ezinbesteko diren gauzak korrika eta presaka egiten zaizkie, jarduera oso gutxi dituzte, berordainketa altua…

Kanpaina bati ekin dio LABek Hego Euskal Herrian. Lehenik eta behin, adinduen egoitzei kristalezko ormak ezarri nahi izan die, gizarteak ikus dezan gaur egungo egoerak ez duela ahalbidetzen bertan eman behar zen kalitatezko arreta lortzea. Hortik aurrera, zera lortu nahi dugu: indarrean dagoen ratioen dekretua aldatzea, Europako bataz beste dagoen ratioen mailara homologatzeko. Egoitzetan langile gehiago behar dira, egoiliarrei arreta ematen denbora gehiago eman ahal izateko. Egoitzetan, bizi kalitatea erabat lotuta dago enpleguaren kalitatearekin, eta gaur egun bietan hobetzeko beharra dago.
 

 

AZKEN ALBISTEAK | ÚLTIMAS NOTICIAS

EH Bildu eta Sumar alderdiei kongresuan emendakina aurkezteko eskatu diegu, sektore publikoko soldata eta enplegua EAEn negoziatu daitezen

Estatuko azken hauteskundeetan EAEn ordezkaritza lortu zuten alderdi politiko guztiei sindikatuek egindako gonbidapenaren ondorioz egin dira gaurko bilerak. Gainerako alderdi politikoek gonbidapena ez onartzea edo erantzun ere ez egitea erabaki dute.
00:01:52

Rafahko sarraskiaren eta palestinar herriaren aurkako genozidioaren aurka atera gara kalera

Eguerdian elkarretaratze jendetsuak egin ditugu Hego Euskal Herriko hiriburuetan, S.O.S. Rafah. Genozidioa STOP lelopean, gehiengo sindikal zabalak deituta.

Lantegiz lantegi zabaldu dugu Palestinan genozidioa geldiarazteko aldarria

S.O.S. Rafah, genozidioa STOP lelopean gaurko deitutako ekimenen baitan, Euskal Herriko hainbat eta hainbat lan-zentrotan palestinar herritarrekiko elkartasuna zabaldu eta Israelek aurrera daraman genozidio ankerra berehala geldiarazteko exijitu dugu.